हात्तीको आक्रमणबाट एक जनाको मृत्यु

बाह्रदशी, ५ पुस । कचनकवल–१ स्थित चारकोशे जंगल नजिक हात्तीको आक्रमणबाट एक जनाको मृत्यु भएको छ ।

मंगलबार अपरान्ह अन्दाजी साढे ४ बजे बाह्रदशी गाउँपालिका वडा नं.१ का ३७ बर्षीय जगतबहादुर भुजेलको मृत्यु भएको हो ।

कचनकवल गाउँपालिका वडा नं.१ स्थित पश्चिम देउराली चारकोशे सामुदायिक वनमा घाँस दाउरा गरेर फर्केने क्रममा वनसँग जोडिएको यज्ञ ओलीको खेतमा पसेको हात्तीले आक्रमण गर्दा भुजेलको मृत्यु भएको जिल्ला प्रहरी कार्यालय झापाले जनाएको छ ।