झापा, १९ माघ । दमक नगरपालिका–२ स्थित नयाँ आम्दाबाट प्रतिबन्धित लागुऔषध ब्राउन सुगरसहित तीन जनालाई प्रहरीले पक्राउ गरेको छ ।
बुधवार दिउँसो दमक–२, नयाँ आम्दा स्थित खरखरे टोलमा ब्राउन सुगर बिक्री वितरण भईरहेको भन्ने बिशेष सूचनाको आधारमा लागुऔषध नियन्त्रण ब्युरो काँकरभिट्टा र ईलाका प्रहरी कार्यालय दमकबाट खटिएको प्रहरी टोलीले चेकजाँचको क्रममा दमक–८ का ३७ बर्षीय तेजकुमार खवास, सोहि ठाउँका ३५ बर्षीय सुनिल श्रेष्ठ र दमक–२ का २२ बर्षीय विजय धिमालको साथबाट १९ ग्राम ब्राउन सुगर, नगद ९७ हजार ६ सय रुपैयाँ, ४ थान मोवाइल र को.२८ प ३१४६ नम्बरको स्कुटर, प्रदेश १–०२–०४८ प ६६५७, ज. १२ प ५५५७ नम्बरको मोटरसाइकलसहित पक्राउ गरेको हो ।
पक्राउ परेका तीनै जनाको इलाका प्रहरी कार्यालय दमकमा थप अनुसन्धान भईरहेको छ ।
Discussion about this post