झापा, ४ फागुन । सभामुख र उपसभामुख बनेपछि पहिलोपटक गृह जिल्ला आएका देवराज घिमिरे र इन्दिरा राना मगरलाई नगरपालिकाले आज भव्य सम्मान गरेको छ ।
एउटै जिल्ला र एउटै निर्वाचन क्षेत्रबाट प्रतिनिधिसभाको सभामुख र उपसभामुख जस्तो गरिमामय पदमा पुग्न सफल भएकोमा बिर्तामोड नगरपालिकाले उनीहरुलाई भव्य कार्यक्रमको आयोजना गरी सम्मान गरेको हो ।
बिर्तामोड निवासी घिमिरे नेकपा एमालेको तर्फबाट झापा क्षेत्र नम्बर २ बाट प्रतिनिधिसभा सदस्यमा निर्वाचित भएका थिए । सोही क्षेत्रबाट रानामगर राष्ट्रिय स्वतन्त्र पार्टीको समानुपातिकबाट प्रतिनिधिसभा सदस्य बनेकी थिइन् ।
शुक्रबारबाट बिर्तामोडमा सुरु हुने १० दिने अन्तर्राष्ट्रिय औद्योगिक व्यापार महोत्सवको समुद्घाटन गर्न सभामुख घिमिरे गृह जिल्ला झापा आएका हुन् । उनीहरुलाई शुक्रबार विहान अर्जुनधारा नगरपालिका र बुद्धशान्ति गाउँपालिकामा पनि सम्मान गर्ने कार्यक्रम छ ।
Discussion about this post