मेचीनगर, १९ फागुन । नकलबन्दा विलिभर्ष इङ्लिस स्कुलको १७ औं वार्षिकोत्सव कार्यक्रम सम्पन्न भएको छ ।
शुक्रबार मेचीनगर–८ स्थित विद्यालयको प्राङ्गणमा विविध कार्यक्रम गरी वार्षिकोत्सव मनाएको हो ।
नकलबन्दा विलिभर्ष इङ्लिस स्कुलका विद्यालय व्यवस्थापन समितिका अध्यक्ष दशरथ खडियाको सभापतित्व तथा विलिभर्ष इष्टर्न चर्च जिल्ला परिषद झापा संयोजक तथा येरुशलेम विलिभर्ष इष्टर्न चर्चका फादर रेभ जगतबहादुर वाग्लेको प्रमुख आतिथ्यतामा सम्पन्न भएको थियो ।
कार्यक्रममा गंगा मेमोरियल इङ्लिस स्कुलका प्रिन्सिपल केशरप्रसाद तिम्सिना, विद्यालयका पूर्व प्रिन्सिपल प्रतिक उराँव, फादर बालकृष्ण मैनाली, कृष्ण राई लगायतले शुभकामना मन्तव्य व्यक्त गरेका थिए ।
कार्यक्रममा अभिभावकहरुलाई पनि प्रतियोगितामा सहभागी गराइएको थियो । पुरुष अभिभावकहरु तर्फबाट किशोर उपरकोटी प्रथम भएका थिए भने महिला अभिभावकहरुको तर्फबाट चन्द्रा बस्नेत प्रथम भएकी थिइन् ।
बिजेताहरुलाई पुरस्कार प्रदान गरिएको थियो । कार्यक्रममा विद्यार्थीहरुले साकेला, किसान नृत्य प्रस्तुत गर्नुका साथै कक्षा ८ का विद्यार्थीहरुलाई विदाई गरिएको थियो ।
विद्यालयकी शिक्षिका चम्पा तामाङले स्वागत गरेको कार्यक्रमको सञ्चालन शिक्षकद्वय सन्देश राई र सकुन लिम्बुले गरेका थिए ।
Discussion about this post