मेचीनगर, ६ फागुन । आइतवार झापामा स्ववियु चुनाव सम्पन्न भएको छ ।
स्थगित भएका केहि क्याम्पसमा चुनाव हुने क्रममा छन् । केहि ठाँउका नतिजाहरु धमाधम आउन थालेको छ । अन्तिम नतिजा सार्वजनिक हुँदै गर्दा केहि क्याम्पसहरुमा अनेरास्ववियु अगाडि देखिएको छ भने नेविसंघले पछाईरहेको अवस्था छ ।
अनेरास्ववियुले जिल्लाका ५ वटा क्याम्पसमा जित हासिल गरिसकेको छ भने नेविसंघ ४ वटा क्याम्पसमा विजयी भएको छ ।
गौरादह कृषि क्याम्पस र गौरीगञ्ज बहुमुखी क्याम्पसमा अनेरास्ववियुको प्यानल नै निर्वाचित भएको छ । अनेरास्ववियुले कनकाई बहुमुखी सुरुङ्गा, सिता–रमेश बहुमुखी क्याम्पसमा अध्यक्ष, सचिवसहित केही सदस्यहरु जितेको छ ।
गौरादह कृषि क्याम्पसको अध्यक्षमा विक्रम तिवारी, गौरीगञ्ज बहुमुखी क्याम्पसको अध्यक्षमा इस्तव हुसेन, कनकाई बहुमुखी सुरुङ्गाको अध्यक्षमा चेतन आचार्य, सिता–रमेश बहुमुखी क्याम्पसको अध्यक्षमा प्रदिप बर्देवा निर्वाचत भएका छन् । त्यस्तै गरामनी बहुमुखी क्याम्पसमा अनेरास्ववियुको प्यानलै सर्वसम्मत निर्वाचित भएको छ ।
यता नेविसंघले कनकाई आदर्श क्याम्पस बिर्तामोडमा प्यानलै जितेको छ । नेविसंघका तर्फबाट त्रिदेव बहुमुखी क्याम्पसको अध्यक्षमा अर्जुन गौतम, शनिश्चरे बहुमुखी क्याम्पसको अध्यक्षमा विशाल थापा, कनकाई आदर्श क्याम्पस बिर्तामोडको अध्यक्षमा किरण गुरुङ र इन्द्रचन्द्र क्याम्पसको अध्क्षमा पवन दाहाल निर्वाचित भएका छन् ।
मेची बहुमुखी क्याम्पसको अध्यक्ष र सचिव पदमा अनेरास्ववियु अगाडि रहेको बताइएको छ । मेचीमा मतगणना भइरहेको छ । दमकमा अनेरास्ववियु र नेविसंघबीच कडा प्रतिस्पर्धा छ ।
यसैबीच काँकरभिट्टा बहुमुखी क्याम्पसमा स्थगित भएको स्ववियु चुनाव १० गते हुने भएको छ । त्यसका लागि चुनावी प्रक्रिया सुरु भएको छ । आज उम्मेद्वारी दर्ताको प्रक्रिया भइरहेको निर्वाचन समितिले जनाएको छ ।
Discussion about this post