झापा, २८ चैत । कोरोना संक्रमणका कारण एक जनाको ज्यान गएको छ ।
आज विहान वीर अस्पतालमा उपचाररत ७८ वर्षका पुरुषको मृत्यु भएको स्वास्थ्य तथा जनसंख्या मन्त्रालयले जनाएको छ ।
उनी करिब २१ दिनअघि अस्पताल भर्ना भएको अस्पतालले बताएको छ । यसअघि कोरोना संक्रमणबाट पुस २३ गते एक जनाको मृत्यु भएको थियो । मंगलबार मात्र १०६ जनामा कोरोना संक्रमण पुष्टि भएको मन्त्रालयले जनाएको छ ।
स्वास्थ्य मन्त्रालयका अनुसार दुई हजार ४३६ नमुनामध्ये ४७६ जनाको पीसीआर परीक्षण गर्दा ७४ जना र एक हजार ९६० जनाको एन्टीजेन परीक्षण गर्दा ३२ जना गरी १०६ जनामा कोरोना संक्रमण देखिएको हो । यस्तै कोरोनाको संक्रिय संक्रमितको संख्या ४६९ पुगेको छ ।
काठमाडौं उपत्यकामा संस्थागत आइसोलेशनमा २४ जना र आईसीयूमा १३ जना रहेका छन् भने ५ जनाको भेन्टिलेटरमा उपचार भइरहेको छ । आजै ४८ जना कोरोनाका विरामी निको भएर घर फर्किएका बताइएको छ ।
(अनलाइन खवर)
Discussion about this post