बिर्तामोड, ४ बैशाख । नेपाल उद्योग तथा व्यवसाय महासंघ बिर्तामोड नगर कमिटीको अध्यक्षमा युवराज निरौला सर्वसम्मत चयन भएका छन् ।
आज बिर्तामोड स्थित अतिथि सदनमा भएको दोस्रो नगर अधिवेशनबाट अध्यक्षमा युवा व्यवसायी निरौला सर्वसम्मत चयन भएका हुन् ।
निरौला अघिल्लो कार्यकालमा नगर कमिटिको उपाध्यक्ष थिए । उनी लामो समयदेखि बिर्तामोडमा व्यवसाय गर्दै आएका छन् ।
त्यस्तै नगर कमिटिको उपाध्यक्षमाद्धयमा गोमा भट्टराई र उपेन्द्र बानिंयाँ, सचिवमा केदार खनाल, सहसचिवमाद्धयमा किरण पौडेल र कृष्णप्रसाद अधिकारी र कोषाध्यक्षमा अमित बुढाथोकी चयन भएका छन् ।
दुई वर्षे कार्यकाल रहने कमिटिको सदस्यहरुमा तुलसी भण्डारी, मीना कट्टेल, माधव खरेल, सन्तोष उप्रेती, तुलसी पाठक, सञ्जय साह, शेखर दाहाल, ईश्वर प्याकुरेल, हरि राजवंशी, गणेश कोइराला, राजन निरौला, युवराज गौतम, छविलाल नेपाल, कमला गौतम र शुस्मा गौतम छन् ।
अन्य ९ जना सदस्य कार्य समितिले पछि मनोनित गर्ने व्यवस्था रहेको बिर्तामोड नगर कमिटी संयोजक नारायण चिमरियाले बताए ।
कार्यक्रमका प्रमुख अतिथि प्रतिनिधि सभाका सदस्य तथा महासंघका अध्यक्ष लालप्रसाद साँवा (एलपी) ले अधिवेशनको उद्घाटन गरेका थिए ।
नगर कमिटी अध्यक्ष विवेक निरौलाको अध्यक्षतामा सम्पन्न कार्यक्रममा प्रमुख अतिथि सांवा, कोशी प्रदेशसभा सदस्य एकराज कार्की, महासंघ केन्द्रीय सदस्य तथा बिर्तामोड उद्योग वाणिज्य संघका महासचिव अर्जुन मैनाली, महासंघ कोशी प्रदेश अध्यक्ष गणेश बस्नेत, महासंघका झापा अध्यक्ष प्रह्लादमणि ओली, बिर्तामोड उद्योग वाणिज्य संघका बरिष्ठ उपाध्यक्ष राजु न्यौपाने लगायतले शुभकामना मन्तब्य व्यक्त गरेका थिए ।
उपाध्यक्ष युवराज निरौलाले स्वागत गरेको कार्यक्रमको सञ्चालन सचिव गोमा भट्टराईले गरेकी थिइन् ।
Discussion about this post