मेचीनगर, ४ जेठ । मेचीनगरमा विहीबारदेखि सुरु भएको झापा जिल्लास्तरीय अन्तर विद्यालय छात्र, छात्रा क्रिकेट प्रतियोगिताको उद्घाटन खेलमा सुर्योदय आवसिय मावि र अरुणोदय अंग्रेजी माविले विजयी सुरुवात गरेको छ ।
मिलन क्रिकेट क्लबको आयोजनामा आगामी ११ गतेसम्म सञ्चालन हुने प्रतियोगिता अन्तरगत आज भएको छात्रातर्फ उद्घाटनको पहिलो खेलमा सुर्योदय आवसिय माविले काँकरभिट्टा माविलाई ९ विकेटले पराजित गरेको छ ।
काँकरभिट्टा माविले सबै विकेट गुमाएर ४९ रन जोडेको थियो । ५० रनको तार्केट लिएर मैदान उत्रेको सुर्योदयले ९ विकेटले विपयी हासिल गर्यो । खेलको प्लेयर अफ द म्याच २ विकेट लिँदै २० रन जोड्ने विजेता टिमकी अदिती अधिकारी घोषित भइन् ।
त्यस्तै आज नै भएको छात्रतर्फको खेलमा अरुणोदय अंग्रेजी माविले विजयी सुरुवात गरेको छ । टस जितेर पहिले व्याटिङ रोजेको अरुणोदय ७९ रन जोडेको थियो । ८० रनको तार्केट लिएर मैदान उत्रेको सुर्योदय आवसिय माविले ३१ रन मात्रै जोड्न सक्यो । खेलको प्लेयर अफ द म्याच विजेता २ विकेट लिँदै ६ रन जोड्ने विजेता टिमका सुदिप गौतम घोषित भए ।
प्रतियोगिताको विजेता तथा उपविजेताले क्रमशः नगद २० हजार र १० हजारसहित ट्रफी, मेडल र प्रमाण पत्र प्राप्त गर्नेछन् ।
प्रतियोगितामा म्यान अफ द म्याच, म्यान अफ द सिरिज, उत्कृष्ट बलर, उत्कृष्ट ब्याट्सम्यान, उत्कृष्ट किपर र उत्कृष्ट क्याचका रुपमा खेलाडी छनोट गरी अवार्ड प्रदान गरिने आयोजक मिलन क्रिकेट क्लबका अध्यक्ष बिरु श्रेष्ठले बताए ।
Discussion about this post