मेचीनगर, १४ असार । मेचीनगर नगरपालिकाले सहिद बिरेन राजबंशी र बिश्वनाथ घिमिरेको नाममा नगरको दुइ वटा मुख्य सडकलाई सहिद स्मृति मार्गको रुपमा घोषणा गरेको छ ।
विहीबार नगरको बार्षिक नीति तथा कार्यक्रमको समापन कार्यक्रममा बोल्दै नगर प्रमुख बुढाथोकीले सो प्रस्ताव घोषणा गरेका हुन् ।
नगरपालिकाकले मेचीनगर–६ स्थित काँकरभिट्टा, बाहुनडाँगी हुँदै निन्दा सिरान जोडने सडक र मेचीनगर–१० स्थित धुलाबारी, ज्यामिरगढी हुँदै हडिया सम्मको सडकलाई सहिदको नाममा नामाकरण गरिएको हो ।
धुलाबारी, ज्यामिरगढी जोड्ने सडक सहिद बिरेन राजबंशीको र काकँरभिट्टा बाहुनडाँगी सडक सहिद बिश्वनाथ घिमिरेको नाममा सहिद स्मृति मार्गको रुपमा घोषणा गरिएको छ ।
सहिद राजबशी जेल सार्ने बहानामा झापा सदरमुकाम चन्द्रगढीबाट इलाम लैजाँदा दक्षिण इलामको सुखानी जंगलमा २१ फागुन २०२९ मा गोलीहानी मारिएका पाँच झापाली कम्युनिष्ट योद्धाहरु मध्येका एक हुन ।
झापा आन्दोलनका महान् सहिदहरू नेत्र घिमिरे, रामनाथ दाहाल, बिरेन राजबंशी, कृष्ण कुईकेल र नारायण श्रेष्ठ थिए । त्यस्तै झापा जिल्लाका प्रथम सहिद बिश्वनाथ घिमिरे लोकतन्त्र र देशको लागि सहिद बनेका थिए ।
Discussion about this post