काँकरभिट्टा, ११ साउन । मेचीनगर नगरपालिकाले आफ्नो नगर क्षेत्र भित्र रहेको जग्गाको कित्ताकाट एक हप्तापछि खुलाउने भएको छ ।
जग्गा भू–उपयोग क्षेत्र वर्गीकरणको कार्य सम्पन्न गरि नगरपालिकाले यहि आउँदो बुधबारदेखि जग्गाको कित्ताकाट खुलाउने भएको हो ।
नगरपालिकाको तर्फबाट जग्गा भू–उपयोग क्षेत्र वर्गीकरणको कार्य सम्पन्न गरि अभिलेख आज नगरप्रमुख गोपालचन्द्र बुढाथोकी, उपप्रमुख मीना पोखरेल उप्रेती, बरिष्ठ प्रशासकीय अधिकृत अनन्त प्रकाश वस्तीसहितको टोलीले मालपोत कार्यालय र नापी कार्यलय चन्द्रगढीमा बुझाएसंगै मेचीनगरका १५ वटै वडाको कित्ताकाट आउँदो बुधबारदेखि खुल्ला गरिने भएको छ ।
भू–उपयोग नियमावली २०७९ परिच्छेद–३ दफा १० बमोजिम पालिकाको स्थानीय भू–उपयोग परिषद्ले क्षेत्राधिकार भित्रको जग्गाको भू–उपयोग क्षेत्र वर्गीकरणको कार्य सम्पन्न गरिएको नगरपालिकाले जनाएको छ ।
नगरप्रमुख बुढाथोकीले मेचीनगरमा आफ्नो क्षेत्राधिकार भित्रको जग्गाहरुलाई कृषि, व्यवसायिक र आवासीय क्षेत्रतर्फ, औंद्योगिक, खानी
तथा खनिज, वन, सार्वजनिक उपयोग, नदि खोला ताल सिमसार, साँस्कृतिक महत्त्वको क्षेत्रतर्फ आदि वर्गीकरण गरिएको जानकारी दिए ।
उनले नगरपालिकाले वर्गीकरण गरेको सबै जग्गाको कित्ताकाट आउँदो बुुधबारदेखि खुल्ला हुने बताए ।
Discussion about this post