काँकरभिट्टा, १८ साउन । सिलिगुडीदेखि काठमाडौँ रुडमा चल्ने भारतीय बसलाई काँकरभिट्टा नाकामा चेकजाँच गर्ने क्रममा भन्सार छलेर ल्याउँदै गरेको दुईलाख ७० हजार मुल्य बराबरको लत्ताकपडाहरु प्रहरीले बरामद गरेको छ ।
बुधवार साँझ ५ वजे काँकरभिट्टा भन्सार गेटमा सिलिगुडीदेखि काठमाडौँसम्म जाँदै गरेको डव्लुवी १९ एल ६१६१ नम्बरको भारतीय गाडीमा ल्याइएको उक्त मुल्य बराबरको लत्ताकपडाहरु बरामद गरेको हो ।
इलाका प्रहरी कार्यालय र मेची भन्सार कार्यालयका कर्मचारीहरुले सो बसमा चेकजाँच गर्दा गाडी छोप्ने कवर २३ पिस, सुटकेस ग्लोप–१ प्याकेट, जुत्ता–९ जोर, चपल–३ जोर, जिन्स पेन्ट–१ पिस, सर्ट–३ पिस, नाईटि–१२ पिस, ट्राउजर–१ पिस, लेडिज ब्याग–३ पिस बरामद गरेको छ ।
त्यस्तै हाप पेन्ट–१८ पिस, जम्पट–१ पिस, भेष्ट ५ पिस, विजुली तार–५ रोल, गाडीको हर्न–३७ पिस र गाडीको एयरका सामान बरामद गरिएको इलाका प्रहरी कार्यालय काँकरभिट्टाका डीएसपी दिपक भारतीले जानकारी दिए ।
उनले उक्त समानहरुको धनी गाडीमा नभएपछि व्यवारिसे अवस्थामा फेला पारेको बताए । ती सामानहरुको दुईलाख ७० हजार ३५० रुपैयाँ मुल्य राखि भन्सार बुझाइएको छ ।
Discussion about this post