मेचीनगर, २६ साउन । नेपाल नगरपालिका कर्मचारी एशोसिएशन एकाई समिति मेचीनगर अध्यक्षमा जितेन्द्र बुढाथोकी निर्वाचित भएका छन् ।
आज सम्पन्न निर्वाचनमा अध्यक्षका प्रतिस्पर्धि कमलप्रसाद शर्मालाई पराजित गर्दै बुढाथोकी अध्यक्षमा निर्वाचित भएका हुन् ।
१३८ जना मतदाता रहेको कर्मचारी एशोसिएसन मध्ये ९३ जनाले मतदान गरेका थिए । जसमा २ मत बदर भएको थियो । अध्यक्ष पदमा बुढाथोकीले ६४ मत प्राप्त गरि विजयी भए । उनका प्रतिस्पर्धि शर्माले २७ मत मात्र प्राप्त गरे ।
समितिको उपाध्यक्षमा भवानीप्रसाद सिटौला निर्वाचित भएका छन् । उनले ५७ मत प्राप्त गर्दा उनका प्रतिस्पधि लोकबहादुर नेपालले ३३ मत मात्र ल्याए ।
त्यस्तै समितिको सचिव, सहसचिव, कोषाध्यक्ष र कार्यसमिति सदस्य सर्वसम्मत भएका छन् । जसअन्तर्गत सचिवमा आयुसमान निरौला, सहसचिवमा नरमाया निरौला (निर्मला) र कोषाध्यक्षमा सुनिता सोरेन सर्वसम्मत चयन भएका हुन् ।
त्यस्तै २१ जना सदस्य रहेको कार्यसमितिको सदस्यमा बिपिन काफ्ले, फकिरा मल्लिक, सरोजकुमार खनाल, लुना दाहाल, अनन्त दाहाल, रीना बस्नेत, मेनुका कार्की, जयबहादुर दाहाल, डम्बरकुमारी थापा, बिष्णुकुमार थापा छन् । कार्यसमितिको कार्यकालक तीन वर्षको रहनेछ ।
नेपाल नगरपालिका कर्मचारी एशोसिएसन एकाई समिति मेचीनगर अध्यक्ष रविनसन थापा मगरको अध्यक्षतामा आयोजना भएको ९ औं अधिवेशनको उद्घाटन कार्यक्रमका प्रमुख अतिथि मेचीनगर नगरपालिका प्रमुख गोपालचन्द्र बुढाथोकी, विशिष्ठ अतिथि उपप्रमुख मीना पोखरेल उप्रेती, प्रमुख प्रशासकिय अधिकृत महेश पराजुली लगायतले शुभकामना मन्तव्य राखेका थिए ।
कार्यक्रममा नेपाल नगरपालिका कर्मचारी एशोसिएसन एकाई कोशी प्रदेश कमिटी संयोजक त्रिलोचन पौडेल, केन्द्रिय सदस्य सञ्जय ढुंगाना, शुशिल कर्ण, मेचीनगर शिक्षा शाखा प्रमुख होमनाथ भण्डारी, बरिष्ठ प्रशासकिय अधिकृत अनन्तप्रकाश वस्ती, खाद्य बिश्लेषक दिपेन्द्र कार्की, लेखा अधिकृत राजन भेटवाल लगायतको आतिथ्यता रहेको थियो ।
एकाई समितिका सहसचिव दशरथ खडियाले स्वागत गरेको कार्यक्रम सञ्चालन सचिव पवित्रा सुब्बाले गरेकी थिइन् ।
Discussion about this post