मेचीनगर, ३ असाेज । काँकरभिट्टा स्थित देवकोटा पार्क व्यवस्थापन समितिले यसपटक महाकवि लक्ष्मीप्रसाद देवकोटाको ११४ औं जन्मजयन्ती भव्य रुपमा मनाउने भएको छ ।
मंगलबार पार्क परिसरमा बसेको व्यवस्थापन समितिको बैठकले समाजसेवी एवम् पार्क व्यवस्थापन समितिका सल्लाहकार सदस्य बालकृष्ण थापाको संयोजकत्वमा ११४ औं देवकोटाकाे जन्म जयन्ती मनाउने तयारी गरिएको हाे ।
देवकोटाको पूर्णकदको शालिक समेत रहेको पार्क परिसरमा यहि आउँदो शनिबारदेखि सरसफाइ सुरू गर्दै वृहत् तयारी अघि बढाउने समेत बैठकले निर्णय गरेको छ।
कोभिड महामारीको प्रभावका कारण अघिल्लो वर्ष देवकोटा पार्क समितिले देवकोटा जन्मजयन्तीको कार्यक्रम गर्न सकेको थिएन।
बैठकले थापाको संयोजकत्वमा ६ जनाको समिति निर्माण गरेको छ। जसमा शेखर काजी थापा, मानबहादुर तामाङ , कृष्णजित बस्नेत , सुशील घिमिरे र उदय प्याकुरेल छन् ।
यो समितिले कार्यक्रम सफलतापुर्बक सम्पन्न गर्नका लागि आर्थिक समिति निर्माण गरेर स्थानीय सरकार, समाजसेवी, राजनीतिक दलहरु, संघ-संस्था लगायतको सहयोग मार्फत कार्यक्रम गर्ने जनाएको छ।
Discussion about this post