तिरिङ, १५ कात्तिक । मेचीनगर–१ स्थित पाटापुरमा ढेड विगाहा जग्गामा मदन भण्डारी राजमार्ग पाटापुर बसपार्क बन्ने भएको छ ।
मंगलबार पाटापुरमा बसेको भेलाले मदन भण्डारी राजमार्ग पाटापुर बसपार्क निर्माण समिति गठन गरेको हो ।
भेलाले निर्माण समितिको अध्यक्षमा पदमबहादुर पुरी (प्रकाश) लाई सर्वसम्मत चयन गरेको छ ।
समितिको उपाध्यक्षमा खड्गमाया राई, सचिव लीलाप्रसाद न्यौपाने, सहसचिवमा महेन्द्र मल्ल र कोषाध्यक्षमा डिकेन्द्र थापालाई चयन गरेको छ ।
त्यस्तै सदस्यहरुमा सुमित्रा राना, उमावती तामाङ, श्याम लामा, हेमबहादुर हुमागाई, रमेश खतिवडा, मेघनाथ गुरागाई, अमृत पुरी, बालुराम गुरागाई, मन्जिल देवान, चन्द्रकुमार बोहारा, सोनाम लामा र बिष्णु राई छन् ।
भेलाले मेचीनगर–१ का वडाध्यक्ष रामकुमार राई, बृरस्पति खतिवडा, ओमनाथपुरी लगायत रहेको ९ सदस्यीय सल्लाहकार समिति समेत चयन गरेको छ ।
त्यस्तै मेचीनगर–१ का वडा सदस्य शान्ताप्रसाद न्यौपानेको संयोजकत्वमा जग्गा संकलनका लागि ९ जनाको समिति निर्माण गरेको छ ।
सोही अवसरमा अध्यक्षमा चयन भएका पुरीले बसपार्क निर्माणका लागि २ करोड रुपैयाँ मूल्य बराबरको १० कठ्ठा जग्गासमेत प्रदान गरेको वडाध्यक्ष राईले बताए ।
पाटापुर बस पार्कका लागि चाहिने ढेड विगाहा जग्गामध्ये अहिलेसम्म एक विगाहा ७ कठ्ठा जग्गा उपलब्ध भएको उनले बताए ।
अध्यक्षमा सर्वसम्मत चयन भएका पुरी नेपाल दशनामी समाज कोशी प्रदेशका अध्यक्ष समेत हुन् ।
सो भेला समाजसेवी ओम पुरीको अध्यक्षतामा सम्पन्न भएको थियो ।
Discussion about this post