झापा, २२ कात्तिक । अर्जुनधारा नगरपालिकाले जापानको टोनो सिटीसँग आजबाट भगिनी सम्बन्ध कायम गरेको छ ।
बुधवार अर्जुनधारा नगरपालिकाले जापान स्थित टोनो शहरका उपमेयर सोकी सुजुकी लगायतको टोलीलाई भव्य स्वागत गरेको छ ।
नगरपालिकाको गेटमा महिलाहरुको टिमले नौँमति बाजासहित पाहुनाहरुलाई भव्यरुपमा सम्मान गरिएको थियो ।
आज नगरपालिकामा बसेको छलफलमा शिक्षा, स्वास्थ्य, कृषि लगायतका क्षेत्रमा सहकार्य गरेर अघि बढ्ने सहमति भएको बताइएको छ ।
छलफलमा नगरपालिकाका मेयर बलदेव गोम्देन तामाङ, उपमेयर खड्गमाया पराजुलीले, प्रमुख प्रशासकीय अधिकृत त्रिलोचन पौडेल, वडाध्यक्ष, कार्यपालिका सदस्य, कर्मचारी लगायतको सहभागिता रहेको थियो ।
त्यस्तै छलफलमा टोनो सिटीका उपमेयर सुजुकी, इन्डरस्ट्रि प्लानिङ डिभिजनका चिफ इक्जामिनर यसुहिको कुरौची, कमर्स इन्डरस्ट्रि एण्ड लेवर डिभिजनका चिफ इक्जामिनर इमिको किकुची, इन्डरस्ट्रि प्लानिङ डिभिजनकी इन्टरनेशनलिजेशन एडभाइजर टोमोनरी किकुची, इम्पावरिङ एशियाका कोनोको होसकुवा, आशिर्वाद त्रिपाठी, विनोद वस्नेत लगायतको उपस्थिति रहेको थियो ।
आज विहान काठमाडौँबाट आएको जापानी टोलीले अर्जुनधारा नगरपालिका क्षेत्रको अवलोकन भ्रमण गरेको छ । सो टोली भोलि मात्र काठमाडौँ फर्किने नगरपालिकाका प्रेस संयोजक नन्दलाल खतिवडाले जानकारी दिए ।
Discussion about this post