धुलाबारी, ४ मंसिर । आज धुलाबारी महोत्सवमा हाँस्य व्यंग्य कलाकार जोन चाम्लिङ राई एण्ड व्याण्डको धुम–धमका प्रस्तुति रहनेछ ।
रिदम नेपाल धुलाबारीको मुख्य आयोजनामा यहि कात्तिक १७ गतेदेखि मेचीनगरमा सुरु भएको धुलाबारी महोत्सवमा नेपाली सांगितिक क्षेत्रका हाँस्य व्यंग्य कलाकार राईको सोमबार साँझ दमदार प्रस्तुती रहनेछ ।
उनले आँफूले बजारमा ल्याएका नयाँ–नयाँ चर्चित गीतहरु गाउँने छन् । युवा पुस्तामाझ लोकप्रिय रहेका गायक राईको एण्ड व्याण्डका हवा जसै लगायतका राम्रा–राम्रा गीतहरु चर्चामा रहेको रिदम नेपालका अध्यक्ष रुद्र रोक्काले जानकारी दिए ।
महोत्सव आज सम्पन्न हुनेछ । महोत्सवमा यसअघि कलाकारहरु प्रिति आले, अर्नव वन, नामगेल एण्ड व्याण्ड, कृष्ण लुईटेल (बोके दारी), प्रतिज्ञा नेपाल, आशिष रणपहेली, द्रव्य व्याण्ड लगायतका राष्ट्रिय कलाकारहरुले आफ्नो प्रस्तुति दिइसकेका छन् ।
Discussion about this post