महोत्सवमा भोलि धुर्मुस–सुन्तलीको प्रस्तुति

चारआली, १६ माघ । मेचीनगर–१३ स्थित चारआलीमा सञ्चालित ‘चारआली सांस्कृतिक महोत्सव’ मा भोलि कलाकार धुर्मुस–सुन्तलीको प्रस्तुति रहने छ ।

महोत्सवमा दैनिक साँझ राष्ट्रिय कलाकारहरुको आगमनसहित सांगातीक कार्यक्रम प्रस्तुतिका कारण दशृकहरुको घुइँचो बढेको छ ।

हास्यव्यंग्य टेलिसिरियलबाट चर्चित बन्न सफल कलाकार धुर्मुस–सुन्तली महोत्सवमा आउने भएपछि मेचीनगरको माहोल तातेको छ ।

राति बाक्लो चिसोको प्रवाह नगरी स्थानीय तथा राष्ट्रिय कलाकारको संगीतमय प्रस्तुतिलाई प्रत्यक्ष अवलोकन गर्न दर्शकको घुइँचो बढ्न थालेको आयोजक टाँसी फुन छोग् छोई खोरलिङ गुम्बाका अध्यक्ष फुर्वा लामाले बताए ।

महोत्सवमा चर्चित गायक डम्बर नेपाली, कमल खत्री, गायिका ज्योति मगर, झापाली गायक श्रीकृष्ण लुइँटेल (बोके दाह्री) लगायतका कलाकारहरुले गीत तथा नित्य प्रस्तुत गरिसकेका छन् ।