मेचीनगरकी सपना कुवेतमा एजेन्टकाे बन्धकमा

मेचीनगर, २४ चैत । नाैँ महिनाकाे काखकाे बच्चा छाडेर आठ महिनाअघि कुवेत गएकी मेचीनगरकी एक महिला उतै एजेन्टकाे बन्धकमा परेकी छिन् ।

मेचीनगर नगरपालिका वडा नम्बर ८ स्थित मेचे गाउँकी २८ वर्षीया सपना ठटाल गत भदाैमा घरायसी कामका लागि कुवेत गएकी थिइन् ।

काठमाडौंकाे अल्फा क्लाप मेनपावरका सञ्चालक नारायण थापाले विना लगानीमा मासिक ४० हजार दिने सहमतिमा आठ महिनाअघि कुवेत स्थित अल्जाहरा शहरकाे एउटा घरमा काम लगाइ दिएकाे परिवारकाे दावी छ ।

सपनाका परिवारले आज दिउँसो प्रेस क्लब मेचीनगरका सदस्य किशाेर उपरकाेटीकाे सहजीकरणमा पत्रकार सम्मेलनकाे आयोजना गरेको थियाे ।

पीडित सपनाका पति श्यामबहादुर दर्जीले सञ्चालक थापाले श्रीमती चाहिए ९ लाख लिएर आउन धम्की दिएकाे आरोप लगाए ।

सञ्चालक थापाले गत पुस २९ गते फाेन गरेर उक्त पैसा मागेकाे परिवारकाे भनाई छ । श्यामकी भाउजु पुष्पा दर्जीले सपनालाई एजेन्ट थापा मार्फत काममा विदेश पठाएको बताइएको छ । पुष्पाले बन्धकबाट बचाएर घर फर्काउन कोशिश गरिरहेको मात्र भन्ने गरेको श्यामको भनाई छ ।

´विदेश गएकाे २ महिनापछि ४० हजार पठाइदिएकी थिइन्`, उनका पति दर्जीले भने- ´त्यसपछि सम्पर्कमा थिइनन् । १० दिनअघि मात्र पत्नी सपनाकाे कुवेतबाट फाेन आयो । फाेनमा उनले आफूलाई बन्धक बनाएर राखेकाे । खान नदिने, कुटपिट गर्ने गरेकाे आरोप लगाइन ।`

पत्रकार सम्मेलनमा सपनाकी आमा  कृष्णमाया परियारले छाेरी सपनालाई मिडिया मार्फत जसरी पनि घर ल्याइदिन भावुक हुँदै सबैलाई सहयोग गरिदिन अपिल गरेकी छन् ।

सपनाका २ जना छाेराहरू छन् । ठुलाे छाेरा १० वर्षकाे सन्रदेश शिवा सानाे छाेरा ९ महिनाकाे सविर शिवा छन् । साना छाेराहरूकाे भविश्य खाेज्दै सपना बाेकेर पैसा कमाउन विदेश हानिएकी सपनाकाे सपना अधुरै बनेकाे छ ।

पत्रकार सम्मेलनमा परिवारका तर्फबाट आमा कृष्णमाया, पति श्यामबहादुर, बहिनी सम्झना ठटाल लगायतकाे उपस्थिति रहेकाे थियाे ।

भिडियो पनि हेर्नुहोला ।