मेचीनगर, ९ बैशाख । बालबालिकालाई शिक्षाबाट बन्चित गर्नु हुँदैन, विद्यालय पठाउनु पर्छ भन्ने उदेश्यका साथ मेचीनगरका युवाहरुको एक संस्थाले विद्यार्थी भर्ना अभियान सञ्चालन गरेका छन् ।
मेचीनगर–१० स्थित चेतनशिल सामुदायिक सिकाई केन्द्रले नयाँ वर्षको शैक्षिक सत्र सुरुसँगै विद्यार्थी भर्ना अभियान सञ्चालन गरेका हुन् ।
कुनै पनि बालबालिका शिक्षाबाट बन्चित हुनु हुँदैन विद्यालय जानुपर्छ भन्ने मुख्य उद्देश्यका साथ केन्द्रले शनिबार खयरडाँगी स्थित दनुवार वस्तीमा अभिभावक तथा विद्यार्थी भेला गराएर बिद्यार्थी भर्ना अभियान गरेको छ ।
कार्यक्रममा मेचीनगर–१० का वडाध्यक्ष नारायण खनालको प्रमुख आतिथ्यता रहेको थियो ।
कार्यक्रममा प्रमुख अतिथि वडाध्यक्ष खनाल, धुलाबारी माविका प्रधानाध्यापक महेन्द्रविलास लुईटेल, शिशु साक्षर आधारभुत विद्यालयका प्रधानाध्यापक इन्द्रप्रसाद आचार्य, शिशु साक्षरका पूर्व व्यवस्थापन समिति अध्यक्ष वीपी भट्टराई, चेतनशिल युवा परिवारका पूर्व अध्यक्ष चेतन बिष्ट, वडा नम्बर १० का वडा सदस्य विशाल कार्की, अभिभावकको तर्फबाट बिन्ती चौधरी लगायतले शिक्षाको महत्व र यस क्षेत्रका बालबालिका विद्यालय जान नसक्नुका कारणसहित समस्याका बारेमा चर्चा गरेका थिए ।
कार्यक्रममा वडा नम्बर १० का वडा सदस्य जानुका थापा, शिशु साक्षर आधारभुत विद्यालयका सहायक प्रधानाध्यापक लोकनाथ ढकाल, मानव विकास एकता समाजका अध्यक्ष मोहन शिवाकोटी, खयरडाँगी क्याम्पस टोल विकास संस्थाका अध्यक्ष लीला खवास, पूर्वीद्वार बचत तथा ऋण सहकारी संस्थाका व्यवस्थापक प्रल्हाद खड्का, धुलाबारी खानेपानी उपभोक्ता समितिका कार्यसमिति सदस्य धनमाया गौतम लगायतको उपस्थिति रहेको थियो ।
चेतनशिल सामुदायिक सिकाई केन्द्रका अध्यक्ष उदय बराईलीको अध्यक्षतामा सम्पन्न कार्यक्रमको सञ्चालन संस्थाका उपाध्यक्ष धर्मेन्द्र खड्काले गरेका थिए ।
नयाँ वर्षसँगै मेचीनगरका सबै विद्यालयले भर्ना अभियानलाई तिव्रता दिइरहेका छन् । आ–आफ्नै तरिकाले विद्यार्थीहरुलाई आकर्षित गर्न विभिन्न अफरसहितका प्याकेजहरु अभिभावकमाझ लगिरहेका छन् ।
Discussion about this post