मेचीनगर, १५ असार । कृषकलाई आवश्यक पर्ने हाते औजार वितरणमा सरकारले बेवास्ता गरेको कारण नेकपा माओवादी केन्द्र मेचीनगरले धान दिवसको अवसरमा किसानलाई (फरुवा) कोदालो वितरण गरेको छ ।
कृषकलाई प्रोत्साहन दिने उद्देश्यले नेकपा माओवादी केन्द्र मेचीनगरले राष्ट्रिय धान दिवसको अवसर पारेर १२५ जना कृषकलाई फरुवा बितरण गरेको हो ।
मेचीनगर–१४ का टंकप्रसाद–अम्बिका शिवाकोटीले तयारी गरेको धान रोपाइँ स्थलमै पुगेर प्रतिकृषक १÷१ थान फरुवा बितरण गरेका थिए ।
नगरपालिकाले बजेट बिनियोजन गर्दा कृषकलाई अतिआवश्यक पर्ने हाते औजार वितरणमा बेवास्ता गर्दै आएको समयमा केन्द्रले उक्त कार्यक्रम गरेको हो ।
कृषकले नै उब्जाएको अन्न कै भरम जीवनचर्या चलाउनुपर्ने समयमा आवश्यक औजार, मल, बीउ, विषादीमा प्रभावकारी बजेट बिनियोजन र कार्यान्वयन नहुँदा पछिल्लो समयमा युवा कृषि पेशाबाटै पलायन हुन थालेका छन् ।
सरकारले कृषकलाई बेवस्ता गर्दा कृषक पनि पलायन बढेको भन्दै स्थानीय सरकारको ध्यानाकर्षण स्वरुप फरुवा वितरण गरेको माओवादी केन्द्र मेचीनगरका अध्यक्ष राजन चिमरियाले बताए ।
चिमरियाले शनिबार करिव ४३ हजार मुल्यबराबरको १२५ जना कृषकलाई ३ चरणमा उक्त फरुवा वितरण गरेको हो । मेचीनगर–१४ का कृषकलाई वडा नम्बर १३ का खेमनाथ भण्डारीको हातबाट प्रत्येक वडाबाट वास्तविक कृषक छनोट गरी प्रतिवडा ५ देखि ७ वटा फरुवा वितरण गरेको हो ।
मेचीनगर–१४, ७ र ३ मा छुट्टाछुट्टै कार्यक्रम गरी फरुवा वितरण गरिएको छ । पहिलो चरणको फरुवा वितरण कार्यक्रममा माओवादी केन्द्र प्रदेश कमिटी सदस्य अस्मिता कार्कीको अतिथ्यता तथा राजन चिमरियाको अध्यक्षतामा सम्पन्न भएको थियो ।
मेचीनगर–९, १०, ११, १२, १३, १४ र १५ वडाका अध्यक्ष, सचिव तथा पदाधिकारी र कृषकहरुको सहभागिता रहेको कार्यक्रमको पार्टीका जिल्ला सदस्य खगेन्द्र सिग्देलले सञ्चालन गरेका थिए ।
मेचीनगरका १, २, ३ र ४ नम्बर वडाका कृषकलाई बाहुनडाँगी नजिक भृकुटीमा र वडा नम्बर ५, ६, ७, ८ र १५ का कृषकलाई मेचीनगरको पार्टी कार्यालय इटाभट्टाबाट वितरण गरिएको चिमरियाले बताए ।
Discussion about this post