मेचीनगर, २७ साउन । नेपाल जेसीज वर्ष २०२४ काे क्षेत्र ´क` सम्मेलन झापाकाे मेचीनगरमा हुने भएको छ ।
आज नेपाल जेसीजका राष्ट्रिय महासचिव सराेज अधिकारीकाे हस्ताक्षर रहेकाे पत्र अनुसार धुलाबारी जेसीजलाई वर्ष २०२४ काे क्षेत्र ´क` सम्मेलन मेचीनगरमा गर्न भनिएकाे छ ।
महासचिव अधिकारीले धुलाबारी जेसीज वर्ष २०२४ का अध्यक्ष मन्जिल रसाइलीलाई नेपाल जेसीज वर्ष २०२४ काे क्षेत्र ´क` सम्मेलन आगामी असाेज ११ र १२ गते मेचीनगरमा गर्न पत्र पठाएको हाे ।
यसअघि नेपाल जेसीज वर्ष २०२४ काे क्षेत्र ´क` सम्मेलन मेचीनगर लेडी जेसीजले गर्ने तय भएको थियाे । तर, अन्य समस्या देखाएर उक्त सम्मेलन गर्न असमर्थ भएपछि त्यसैकाे मातृसंस्था धुलाबारी जेसीज वर्ष २०२४ ले गर्ने भएको छ ।
धुलाबारी जेसीजका अध्यक्ष मन्जिल रसाइलीले जेसीज वर्ष २०२४ काे क्षेत्र ´क` सम्मेलन मेचीनगरमा गर्न पत्र आएको बताए ।
मेचीनगरमा पहिलाे पटक इतिहास राख्ने गरी क्षेत्र ´क` सम्मेलन सभ्य र भव्य ढंगले सम्पन्न गरिने अध्यक्ष रसाइलीले जानकारी दिए ।
श्राेतका अनुसार उक्त दुईदिने क्षेत्र ´क` सम्मेलन हाेटल एचएमसीमा हुने भएको छ ।
Discussion about this post