झापा, २८ साउन । दमकमा इटालियन पेस्तोलसहित एक युवक पक्राउ परेका छन् ।
पक्राउ पर्नेमा दमक नगरपालिका–८ का ३६ वर्षीय संजीव गजमेर छन् । उनलाई इलाका प्रहरी कार्यालय दमक र जिल्ला प्रहरी कार्यालय झापाको टोलीले आज विहान पक्राउ गरेको हो ।
गजमेरको साथबाट मेडइन इटाली लेखिएको पेस्तो र २ थान म्यागजिन बरामद भएको जिल्ला प्रहरी कार्यालय झापाका प्रवक्ता एवम् डीएसपी कृष्णकुमार चन्दले बताए ।
दमक–५ स्थित बानेश्वर हाइटमार्ग जाने भित्री सडकबाट उनलाई पक्राउ गरिएको हो । को ३८ प ५६४९ नम्बरको स्कुटरमा सवार उनले पेस्तोल बोकेको प्रहरीको दावी छ ।
Discussion about this post