मेचीनगर, ५ भदौ । नेकपा एमाले मेचीनगरको मंगलबार बसेको वैठकले विभागीय जिम्मेवारीहरु बाडफाँड गरेको छ ।
एमाले मेचीनगर कमिटीको पूर्ण बैठकले नगर कमिटीका पदाधिकारी तथा सदस्यहरुलाई विभागीय प्रमुख र इन्चार्जको जिम्मेवारी तोकेको हो ।
विभागीय जिम्मेवारी अन्तरगत अध्यक्ष राजु कार्कीलाई स्कुल विभाग प्रमुख, स्थानीय विकास तथा समन्वय विभागका प्रमुखमा उपाध्यक्ष कञ्चन तामाङ, संगठन विभाग प्रमुखमा सचिव सागर ओली, पर्यटन वन तथा वातावर विभाग प्रमुखमा उपसचिव जानुका ओली, जनवर्गीय संगठन विभाग प्रमुखमा उपसचिव राजु धिमाल र विपद् व्यवस्थापन तथा स्वयम् सेवक विभाग प्रमुखमा नगर कमिटी सदस्य दिपेन्द्र निरौला रहेका छन् ।
त्यस्तै नगर कमिटी सदस्यहरुलाई जनवर्गीय संगठनको इन्चार्जहरु तोकिएको छ । जस्मा महिला विभागको इन्चार्जमा शर्मिला लामिछाने, युवा विभागको इन्चार्जमा रविन्सन थापा, विद्यार्थी विभागको इन्चार्जमा विनिता न्यौपाने, किसान विभागको इन्चार्जमा जीवन साप्कोटा, मुक्ति समाज विभागको इन्चार्जमा दिलबहादुर विश्वकर्मा, जीफण्ड विभागको इन्चार्जमा राजकुमार सुवेदी, आदिवासी जनजाती विभागको इन्चार्जमा रामबहादुर तामाङ, उद्योग व्यवसाय विभागको इन्चार्जमा कृष्ण पौडेल र मुस्लिम समाज विभागको इन्चार्जमा फारुक महोमदलाई वैठकले जिम्मेवारी तोकेको छ ।
वैठकमा प्रमुख अतिथि एमालेका केन्द्रीय सदस्य रविन कोइराला, केन्द्रीय सदस्य मीना पोखरेल उप्रेती, झापा अध्यक्ष प्रेम गिरी, कोशी प्रदेश कमिटी सदस्य देवकुमार राई, कोशी प्रदेशका पूर्व सांसद श्रीप्रसाद मैनाली, जिल्ला सदस्यहरु अर्जुनकुमार कार्की, रमा भण्डारी ढकाल लगायत नेताहरुले विचार व्यक्त गरेका थिए ।
बैठकले भदौ महिनाभित्रमा वडाहरुको अधिवेशन सम्पन्न गर्ने निर्णय पनि गरेको छ भने कात्तिक भित्रमा सबै जनसंगठनको अधिवेशन सक्ने निर्णय गरेको छ ।
एमाले मेचीनगरका अध्यक्ष राजु कार्कीको अध्यक्षतामा वैठक सम्पन्न भएको थियो ।
Discussion about this post