बिर्तामोड, १९ पुस । बिर्तामोड उद्योग बाणिज्य संघले यसवर्ष पनि ‘अन्तराष्ट्रिय औद्योगिक व्यापार महोत्सव’ लगाउने भएको छ ।
बिर्तामोड उद्योग बाणिज्य संघका उद्योग उपाध्यक्ष विशाल थापाको संयोजकत्वमा महोत्सव मूल आयोजक समिति र ९ वटा उपसमिति समेत गठन गरिएको छ ।
स्थानीय स्तरमा उत्पादित वस्तुलाई अन्तराष्ट्रिय स्तरसम्म प्रर्वधन गर्ने उदेश्यले बिर्तामोडमा आगामी माघ ८ गतेदेखि १९ गतेसम्म १२ दिनको अन्तराष्ट्रिय औद्योगिक व्यापार महोत्सव सञ्चालन गर्न लागिएको हो ।
महोत्सव मूल आयोजक समितिमा संघका महासचिव कुशल खतिवडालाई सचिव, युवराज निरौलालाई कोषाध्यक्ष तथा समितिको सदस्यहरुमा रमेश घिमिरे, अनन्तलाल महत्तो, दिनेश श्रेष्ठ, डिल्लीराम कोइराला, शत्रुघन प्रसाद गुप्ता र सुष्मा उप्रेती सुवेदी रहेका छन् ।
त्यस्तै अनुगमन समितिको संयोजकमा गोमा भट्टराई तथा सदस्यहरुमा कृष्णप्रसाद बजगाई, युवराज कार्की पर्बत र सुशीला कुमारी कार्की छन् ।
यसैगरी संघका पूर्व अध्यक्ष प्रकाश शिवाकोटीको संयोजकत्वमा अतिथि सत्कार तथा व्यवस्थापन उप समिति, निर्मल भट्टराईको संयोजकत्वमा बैंक वित्तीय तथा सहकारी स्टल व्यवस्थापन उपसमिति गठन गरिएको छ ।
यस्तै राजकुमार घिमिरे ‘राजु’ संयोजक र विशेश्वरप्रसाद बजगाई सदस्य रहेको स्टल तथा स्टेज निर्माण व्यवस्थापन उपसमिति, जीवनकुमार खड्काको संयोजकत्वमा सांस्कृतिक एवम् सांगातिक कार्यक्रम व्यवस्थापन उपसमिति गठन गरिएको छ ।
सचिवालय व्यवस्थापन, विद्युत प्राधिकरण संयोजन उपसमितिको संयोजकमा पुकार बराल तथा सदस्यहरुमा राजु गौतम र रुद्रप्रसाद भुर्तेल छन् । दैनिक कारोवार तथा टिकट व्यवस्थापन उपसमितिमा राजकुमार शाह संयोजक तथा सदस्यहरुमा दिनेश श्रेष्ठ र युवराज कार्की छन् ।
मञ्च व्यवस्थापन उपसमिति संयोजकमा तीलोत्तमा खत्री तथा सदस्यहरुमा शत्रुघनप्रसाद गुप्ता, केदार खनाल र सुशीलाकुमारी वस्नेत छन् ।
स्थानीय सांस्कृतिक कार्यक्रम व्यवस्थापन उपसमितिमा दिनेश श्रेष्ठ र स्वास्थ्य सेवा व्यवस्थापन उपसमितिमा कृष्णप्रसाद बजगाई संयोजक रहेका छन् ।
महोत्सव मूल आयोजक समितिका संयोजक थापाले २०७०, ०७५, ०७९ सालमा संघले ‘बिर्तामोड अन्तराष्ट्रि औद्योगिक व्यापार महोत्सव’ लगाएको बताए । यसपटक त्यसैको निरन्तरता स्वरुप २०८१ मा गर्न लागिएको उनले बताए । उनले २०८२ सालदेखि वर्षेनी महोत्सव लगाउने दावी गरे ।
Discussion about this post