मेचीनगर, ४ माघ । धुलाबारीमा दोस्रो ‘मेची महोत्सव’ सुरु भएको छ ।
मेची चेम्वर अफ कमर्स मेचीनगरले आयोजना गरेको महोत्सवको प्रतिनिधि सभाकी उपसभामुख इन्दिरा राना मगरले उद्घाटन गरेकी थिइन् ।
उपसभामुख रानाले यस किसिमको महोत्सवले स्थानीय उत्पादनलाई बजारीकरणमा सहयोग पुग्ने दावी गरिन् ।
स्थानीय उत्पादनको बजारीकरण, पर्यटकीय क्षेत्रको प्रवद्र्धन गर्ने उद्देश्यले सुरु भएको महोत्सव माघ १२ गतेसम्म सञ्चालन हुनेछ ।
महोत्सवमा ३६ वटा स्टल रहेका छन् । महोत्सवभरि स्वास्थ्य शिविर, कृषि उपजको प्रदर्शनी तथा बिक्री, विभिन्न जातजातिको झाँकी प्रस्तुति, स्थानीय तथा राष्ट्रिय कलाकारहरुको प्रस्तुती, विभिन्न खेलकुद लगायतका कार्यक्रम रहेको छ ।
कार्यक्रममा चेम्बर अफ कमर्श झापाका अध्यक्ष ओमकृष्ण बिमली, रोङ गाउँपालिकाका अध्यक्ष मनिकुमार स्याङ्बो (सुवास), मेचीनगर–१० का वडाध्यक्ष नारायण खनाल लगायतले शुभकामना व्यक्त गरेका थिए ।
चेम्बर अफ कमर्श मेचीनगरका अध्यक्ष रविनकुमार बस्नेतको अध्यक्षतामा सम्पन्न उद्घाटन सत्रको स्वागत उपाध्यक्ष शान्तिराम चिमरियाले र सञ्चालन महासचिव प्रकाश खड्काले गरेका थिए ।
Discussion about this post