मेचीनगर, २६ बैशाख । आम सञ्ञ्चार क्षेत्रका विज्ञ भानुभक्त आचार्यले पत्रकारहरुलाई एआईको प्रयोग गरेर गुणस्तरीय पत्रकारितामा लाग्न आग्रह गरेका छन् ।
आजदेखि प्रेस क्लब मेचीनगरको आयोजनामा सुरु भएको एआई सम्बन्धी तालिममा उनले यस्तो कुरा बताएका हुन् ।
काँकरभिट्टा स्थित नमस्ते पार्टी प्यालेसमा शुक्रबारदेखि तालिम सुरु भएको हो । तालिम आइतबारसम्म सञ्चालन हुनेछ ।
तालिममा विज्ञ आचार्यले पत्रकारितामा एआईको प्रयोग कसरी गर्ने, यसका मापदण्ड, आचारसंहिता, एडभान्स टेक्नोलोजीको प्रयोग लगायतका विषयमा मसिनो ढैगले बुझाएका थिए ।
तालिममा ५० जना भन्दा बढी झापाका पत्रकारहरुको सहभागिता रहेको थियो ।
तालिममा प्रेस क्लब मेचीनगरका संस्थापक अध्यक्ष सन्तोष आचार्य, पूर्व अध्यक्ष ज्ञानेन्द्र निरौला, पूर्व अध्यक्ष मुक्ति पौडेल, निवर्तमान अध्यक्ष डम्बर बराल, मेचीनगर संचार प्रतिष्ठानका अध्यक्ष शिशिर चम्लागाइ, मेचीनगर नगरपालिकाका प्रेस संयोजक अर्जुन कार्की, प्रेस सेन्टर कोशीका कोषाध्यक्ष झुलन रेग्मी, प्रेस चौतारी झापाका सचिव युवराज आचार्य, प्रेस सेन्टर झापाका सचिव प्रकाश उप्रेती, समाजवादी प्रेस संगठनका केन्द्रीय सदस्य दिलिप थापा, पत्रकार राजेन्द्र गौतम, हल्दिबारी प्रेस क्लबका अध्यक्ष नेत्रबिक्रम विमली, एमइटी पब्लिक स्कुलका प्रिन्सिपल सुवर्ण भट्टराई, झापा नेशनल स्कुलका प्रिन्सिपल कमल भेट्वाल, बालबालिका तथा शिक्षा सञ्चार मञ्च झापाका अध्यक्ष सरोज पौडेल लगायतको सहभागिता रहेको थियो ।
प्रेस क्लब मेचीनगरका अध्यक्ष प्रकाश पौडेलको अध्यक्षतामा सम्पन्न उद्घाटन कार्यक्रमको संञ्चालन सचिव प्रविण अधिकारीले गरेका थिए ।
Discussion about this post