मेचीनगर, ११ जेठ । मेचीनगर–८ का वडाध्यक्ष गिरिराज धमलाले प्रमुख प्रशासकीय अधिकृत अग्निप्रसाद अधिकारी आएपछि मेचीनगरलाई कायपलट गर्ने गरी लाग्नु भएको बताएका छन् ।
आज मेचीनगर–८ स्थित सीप विकास केन्द्रको नयाँ भवनमा राष्ट्रपति महिला सशक्तिकरण योजना अन्तरगत सीप प्रर्वद्धन कार्यक्रमका लागि आयोजना गरिएको सावुन, सर्फ, हार्पिक र फिनेल बनाउने तालिमको समापनमा उनले यस्तो कुरा बताएका हुन् ।
प्रमुख प्रशासकीय अधिकृत अधिकारी मेचीनगरलाई कायपलट गरिदिन्छु भनेर लाग्नु भएको वडाध्यक्ष धमलाले दावी गरेका छन् ।
विगतमा आएका प्रमुख प्रशासकीय अधिकृतहरुले कामै नगरेकाले नगरवासीले दुःख भोग्नु परेको उनको बुझाई थियो ।
उनले भने–‘अहिले उहाँ आएपछि नगरपालिका अर्कै भएको छ । वडाबाट गएका र अन्य नगरवासीका कामहरु धमाधम भइरहेका छन् । कार्यक्रममा सगैँ रहेका प्रप्रअ अधिकारीतिर हेर्दै वडाध्यक्ष धमलाले भने अब २ वर्ष बसिदिनु भयो भने मेचीनगरको मुहारै फेरिने थियो । बसिदिन समेत आग्रह गरे ।’ धमला नेपाली कांग्रेसबाट वडा नम्बर ८ मा निर्वाचित वडाध्यक्ष हुन् ।
प्रमुख प्रशासकीय अधिकृतको प्रायः एउटा कार्यालयमा करिव २ वर्षको समय अवधि हुन्छ । उनको अहिले करिव १५ महिना हुन आट्यो । यसअघिका प्रमुख प्रशासकीय अधिकृत धेरै टिके करिव ६ महिना मात्र बसाई हुन्थ्यो । कोहि त २ महिनामा हिडेका थिए ।
कार्यक्रममा मेचीनगर–७ का वडाध्यक्ष प्रलादमणि ओली, न्यायिक समिति सदस्य कुन्दन निरौला, कार्यपालिका सदस्य कविता खनाल मिजार, वडा ८ की सदस्य मनकुमारी गिरी, वडा ७ की सदस्य मीनमाया सुब्बा, नगरपालिकाकी महिला विकास अधिकृत जयन्ती खरेल लगायत रहेका थिए ।
नगरप्रमुख गोपालचन्द्र बुढाथोकी, उपप्रमुख मीना पोखरेल उप्रेती, वडाध्यक्ष र कर्मचारीहरुले पनि प्रमुख प्रशासकीय अधिकृत अधिकारीको कामप्रति प्रशंसा गरेका छन् ।
Discussion about this post