मेचीनगर, ३० असार । बालविवाह न्यूनिकरण क्षेत्रमा काम गरिरहेको मेचीनगरको सामाजिक संस्था महिला जनचेतना केन्द्रले सोमबार बार्षिक समीक्षा गरेको छ ।
महिला जनचेतना केन्द्रले मेचीनगर नगरपालिकाको सभाहलमा वालविवाह न्यूनिकरण परियोजना सम्बन्धी बार्षिक समीक्षा गरेको हो ।
केन्द्रले चालु आर्थिक वर्ष २०८१÷८२ मा स्थानीय तहमा वालविवाह न्यूनिकरण परियोजना सम्बन्धी गरेका प्रगति र प्रयासहरुका विषयमा समीक्षा गरिएको छ ।
दातु निकाय गल्र्स फस्ट फण्डको सहयोगमा केन्द्रले झापाको बाह्दशी गाउँपालिका, कचनकवल गाउँपालिका र मेचीनगर नगरपालिकामा बालविवाह न्यूनिकरण परियोजना सम्बन्धी काम गरिरहेको छ ।
स्थानीय तहका जनप्रतिनिधिहरुलाई बालविवाह किन हुन्छ, यसलाई कसरी रोक्ने, कस्तो प्रकारको सचेतना दिने, यसको प्रभाव, अवस्था र महत्व लगायतका विषयमा केन्द्रकी संस्थापक अध्यक्ष राधा प्रधान कार्कीले प्रकाश पारेकी थिइन् ।
केन्द्रले मेचीनगरसँगै बाह्दशी र कचनकवल गाउँपालिकामा पनि बार्षिक समीक्षा गरिसकेको छ । आगामी आर्थिक वर्ष २०८२÷८३ मा पनि गल्र्स फस्ट फण्डले केन्द्र मार्फत वालविवाह न्यूनिकरण परियोजना जारी राख्ने छ ।
झापामा विभिन्न सामाजिक क्षेत्रमा सक्रिय केन्द्रले बालबालिका र महिलाहरुको हक, हित र संरक्षणका लागि आवाज उठाइरहेको छ ।
बार्षिक समीक्षा कार्यक्रमकी प्रमुख अतिथि मेचीनगर नगरपालिका उपप्रमुख मीना पोखरेल उप्रेती, प्रमुख प्रशासकीय अधिकृत अग्निप्रसाद अधिकारी, महिला, बालबालिका तथा समाज कल्याण शाखाकी प्रमुख जयन्ती खरेल लगायतले शुभकामना मन्तव्य व्यक्त गरेका थिए ।
बार्षिक समीक्षा कार्यक्रमको समापन महिला जनचेतना केन्द्रकी अध्यक्ष सीता गुरुङको अध्यक्षतामा सम्पन्न भएको छ ।
Discussion about this post