दमक, १२ भदाै । भौतिक पूर्वाधार तथा यातायात मन्त्री देबेन्द्र दाहालले दमक स्थित सडक आयोजना कार्यालयकाे उद्घाटन गरेका छन् ।
आज विहान मन्त्री दाहालले काँकरभिट्टा-लौकही सडक योजना (पूर्वी खण्ड) दमकको नवनिर्मित कार्यालयकाे भवन उद्घाटन गरेका हुन् ।
मन्त्री दाहालले सडक विस्तारको काम समयभित्रै सक्न निर्देशन दिएका थिए ।
आयोजनाको उक्त नयाँ भवन ८ करोड ७ लाख रुपैयाँ लागतमा निर्माण सम्पन्न भएको कार्यालयले जनाएको छ ।
सडक आयोजना कार्यालयका प्रमुख सुनिलबाबु पन्तले आयोजना सम्पन्न भएपछि नयाँ भवन सडक डिभिजन कार्यालयलाई हस्तान्तरण गरिने पनि जानकारी दिए ।
कार्यक्रममा सडक विभागका महानिर्देशक डा. विजय जैसी, एसियाली विकास बैंक (एडीबी) परियोजना प्रमुख चुडाराज ढकाल लगायत उच्चपदस्थ कर्मचारी, जनप्रतिनिधि र नेताहरूकाे उपस्थिति रहेकाे थियो ।
Discussion about this post