काँकरभिट्टा, १२ भदौ । सुर्योदय इङ्लिस बोडिङ स्कुलले आयोजना गरेको निःशुल्क स्वास्थ्य शिविरमा २४१ जनाले उपचार सेवा लिएका छन् ।
दृष्टि आँखा अस्पताल बिर्तामोडको प्राविधिक सहयोगमा विहीबार स्कुलले आोजना गरेको आँखा तथा नाक, कान र घाँटीको स्वास्थ्य शिविरमा २४१ जना नागरिकहरुले उपचार सेवा लिएका हुन् ।
स्कुलका प्रिन्सिपल शिव मैनालीले सामाजिक उत्तरदायित्व अन्तरगत विद्यार्थी, अभिभावक र समुदायका नागरिकलाई उक्त उपचार सेवा एकदिनका लागि निःशुल्क प्रदान गरिएको जानकारी दिए ।
शिविरमा सहकार्य गरेका समाजसेवी सुर्यप्रसाद रिमालका अनुसार उपचार लिएका २४१ जनामध्ये १२ जनालाई अस्पताल जान रेफर गरिएको छ । ९ जनालाई तत्काल शल्यक्रिया गर्नका लागि सुझाव समेत दिइएको उनले बताए ।
स्कुलले यसअघि पनी विद्यार्थीहरुको स्वास्थ्यलाई ध्यानमा राखेर आँखा लगायतकोनिःशुल्क स्वास्थ्य शिविर सञ्चालन गरेको थियो ।
शिविरमा दृष्टि आँखा अस्पतालका दृष्टि विज्ञ कौशल किशोर साह, नेत्र सहायक विनिता चौधरी, श्रवण विशेषज्ञ वीरेन्द्रप्रसाद साह लगायतका स्वास्थ्यकर्मीहरुको प्राविधिक सहयोग रहेको थियो ।
Discussion about this post