मेचीनगर, १८ भदाै । काँकरभिट्टा माध्यामिक विद्यालयकाे व्यवस्थापन समिति अध्यक्षमा भुपाल शिवाकोटी सर्वसम्मत चयन भएका छन् ।
बुधबार विद्यालयमा आयोजित सदस्यहरूकाे छलफलले शिवाकोटीलाई अध्यक्षमा सर्वसम्मत छानेकाे हाे ।
यसअघि व्यवस्थापन समितिमा शिवाकोटी लगायत ९ जना सदस्य छानिएका थिए । त्यही ९ जना सदस्यबाट अध्यक्षमा शिवाकोटी छानिएको विद्यालयले जनाएको छ ।
अध्यक्षमा चयन भएका शिवाकोटी समाजसेवी, व्यवसायी एवम् नेकपा एमालेका नेता हुन् ।
विद्यालयकि शिक्षिका शुभद्रा भट्टराईका अनुसार अध्यक्षमा शिवाकोटी, सदस्यहरूमा समाजसेवी राधा कार्की, निर्मला राई , रामबहादुर दर्जी, लाेकबहादुर कट्वाल (कैलाश) , गिता गिरी, पदेन सदस्य एवम् वडाध्यक्ष ललितबहादुर तामाङ र सदस्य सचिवका रूपमा विद्यालयका प्रधानाध्यापक देबेन्द्र निराैला रहेका छन् ।
शिक्षक प्रतिनिधिकाे रूपमा एक जना छनाेट शिक्षक छानिन बाँकी रहेका छन् ।
यसअघिकाे कार्यकालमा अध्यक्ष भवानीप्रसाद केरूङ रहेका थिए । उनकाे कार्यकाल सकिएपछि नयाँ व्यवस्थापन समिति गठन गरिएको हाे ।
Discussion about this post