झापा, २ असोज । कोशी प्रदेश सरकारले जेन्जी आन्दोलनमा मृत्यु भएका प्रत्येक परिवारलाई जनही एक लाख रुपैयाँ दिने भएको छ ।
आज बसेको मन्त्रीपरिषद् वैठकले जेन्जी आन्दोलनमा मृत्यु भएका प्रत्येक परिवारलाई काजकिरियाका लागि प्रतिपरिवार १ लाख रुपैयाँ दिने निर्णय गरेको हो ।
बैठकले आन्दोलनमा घाइतेहरुको उपचार खर्च व्यहोर्ने र भौतिक पूर्वाधार मन्त्रालयलाई क्षतिको विस्तृत विवरण संकलन गर्न कात्तिक ९ गतेसम्म समय दिएको छ ।
मन्त्रीपरिषद् बैठकले पाँच लाख रुपैयाँभन्दा कमको बजेट कार्यान्वयन नगर्ने निर्णय गरेको छ । कटौती भएको बजेटबाट जेनजी आन्दोलनका क्रममा क्षति भएका कार्यालयहरुको पुननिर्माण गरिनेछ ।
सरकारका प्रवक्ता एवम् आन्तरिक मामिला तथा कानुन मन्त्री रेवतीरमण भण्डारीले बैठकले आन्दोलनमा सहभागी भएर ज्यान गुमाउने व्यक्तिका परिवारलाई काजकिरिया लागि प्रतिपरिवार १ लाख रुपैयाँ उपलब्ध गराउने निर्णय गरेको जानकारी दिए ।
यो सहयोग कोशी प्रदेशमा भएको आन्दोलनका क्रममा मृत्यु भएकाहरुले मात्रै पाउनेछन् । जेनजी आन्दोलनका क्रममा कोशी प्रदेशमा १० जनाको मृत्यु भएको थियो ।
बैठकले कोशी प्रदेशमा भएको विरोध प्रदर्शनका क्रममा घाइते भएकाहरुका लागि प्रदेश सरकारले उपचार खर्च व्यहोर्नेछ ।
Discussion about this post