काँकरभिट्टा, २६ पुस । मेची मासु उत्पादक सहकारी संस्थाकाे अध्यक्षमा खडानन्द भण्डारी सर्वसम्मत चयन भएका छन् ।
शनिबार काँकरभिट्टा स्थित खानेपानी कार्यालयकाे सभा हलमा सम्पन्न संस्थाकाे १८ औं बार्षिक साधारण सभाले भण्डारीलाई अध्यक्षमा चयन गरेकाे हाे ।
४ वर्षे कार्यकालकाे सञ्चालक समितकाे उपाध्यक्षमा पुन: राजकुमार पराजुली चयन भएका छन् ।
यस्तै सदस्यहरूमा डिल्ली कुमार काफ्ले, गणेश बहादुर प्रधान, लक्ष्मी श्रेष्ठ, मीनाकुमारी कटुवाल, नारायण ढुंगाना, देबेन्द्रकुमार खरेल र ओमप्रकाश दुलाल रहेका छन् ।
यसैगरी लेखा सुपरीवेक्षण समिति संयाेजकमा गाेपालप्रसाद शिवकाेटी तथा सदस्यहरूमा रप्सन खड्का र ज्ञाननाथ गाैतम चयन भएका छन् ।
सभाकाे निर्वाचन समिति संयाेजकमा वीपी भट्टराई तथा सदस्यद्वयमा जगन भट्टराई र हरिमाया ढुंगेल रहेका थिए ।
कार्यक्रमकाे प्रमुख अतिथि जिल्ला सहकारी संघ झापाका वरिष्ठ उपाध्यक्ष दुर्गाप्रसाद सापकाेटा, मासु सहकारीका संस्थापक अध्यक्ष नारायण प्रसाद प्रसाईं, नेकपा एमाले मेचीनगर अध्यक्ष एवम् सहकारी अभियन्ता राजु कार्की, सहकारी अभियन्ता कमल थापा लगायतले शुभकामना मन्तव्य राखेका थिए ।
साेही अवसरमा ५ जना ज्येष्ठ नागरिक, एक जना कर्मचारी, १७ जना संस्थापक अध्यक्ष, पदाधिकारी तथा सदस्यहरूलाई समेत सम्मान गरिएको थियाे ।
संस्थामा २९५८ जना शेयर सदस्य रहेका छन् । २०८२ असार मसान्तसम्म शेयर पुँजी एक कराेड ६२ लाख २३ हजार १००, निक्षेप एक कराेड ५७ लाख ५५ हजार १५१ रूपैयाँ र लगानीमा रहेकाे कर्जा एक कराेड २६ लाख ४१ हजार ४१२ रूपैयाँ रहेकाे संस्थाकाे प्रतिवेदनमा उल्लेख रहेकाे छ ।
संस्थाले व्यवसायका रूपमा बैंक तथा वित्तीय काराेवार, मेची मिट मार्ट (प्रशाेधित मासु विक्री) र मेची मिट एग्राे फर्म (कुखुरा पालन) सञ्चालन गरिरहेकाले छ ।
मेची मासु उत्पादक सहकारी संस्थाका अध्यक्ष भगिरथ राईकाे अध्यक्षतामा सम्पन्न कार्यक्रमकाे स्वागत उपाध्यक्ष पराजुली र सञ्चालन कार्यालय प्रमुख अनिता गुरागाईले गरेकी थिइन् ।
Discussion about this post