मेचीनगर, ३ फागुन । ´मतदाता शिक्षा`का लागि मेचीनगरमा आजदेखि स्वास्थ्य स्वयंसेविकाहरू खटिने भएका छन् ।
नगरका पन्ध्रै वटा वडामा १५ जना स्वयंसेविकाहरू मतदाता शिक्षाका लागि खटिने भएका हुन् ।
उनीहरूलाई शुक्रबार मेचीनगरमा निर्वाचन सम्बन्धिकि फाेकल पर्सन जयन्ती खरेलले मतदातालाई कसरी भाेट हाल्न सिकाउने लगायतका विषयमा जानकारी गराएकी थिइन् ।
साेही अवसरमा खरेलले जिल्ला निर्वाचन कार्यालय झापाले फागुन ३ गतेदेखि १७ गतेसम्म खटिनका लागि दिएकाे नियुक्ति पत्र समेत हस्तान्तरण गरेकी थिइन् ।
उनका अनुसार यसपटक मत पत्र प्रत्यक्षकाे सेताेमा राताे अक्षर भएको र समानुपातिककाे सेताेमा कालाे अक्षरकाे रहेकाे छ ।
विगतका चुनावमा बदर मत संख्या धेरै भएकोले विशेष गरेर लक्षित समुदायकाे घरघरमा पुगेर भाेट हाल्ने तरिका सिकाउन सधैं घर, टाेलमा पुगेर काम गरिरहेका स्वास्थ्य स्वयंसेविकाहरूलाई यश कार्यमा खटाइएको नगरपालिकाकि महिला, बालबालिका तथा समाजकल्याण शाखा प्रमुख समेत रहेकी खरेलकाे भनाई छ ।
फागुन २१ गते हुने प्रतिनिधि सभा सदस्य निर्वाचनका लागि मेचीनगरमा एक लाख ३१ हजार ६७ जना मतदाताहरूले मतदान गर्न पाउने छन् ।
Discussion about this post