मेचीनगर, ९ फागुन । २०४७ सालमा स्थापना भएको काँकरभिट्टा स्थित महेन्द्र राजमार्ग यातायात कर्मचारी कल्याण काेष काे नेतृत्व आजदेखि माेहन रिजालले समालेका छन् ।
शनिबार संस्थाकै हलमा सम्पन्न सपथ ग्रहण तथा पद हस्तान्तरण कार्यक्रममा अध्यक्ष रिजालले औपचारिक रूपमा काेषकाे बागडाेर समालेका हुन् ।
कार्यक्रमका प्रमुख अतिथि एवम् काेषका सदस्य मेचीनगर नगरपालिकाका प्रमुख गाेपालचन्द्र बुढाथोकीले नवनिर्वाचित कार्य समितिलाई प्रमाणपत्र र खादासहित बधाई दिएका थिए ।
पूर्वी मेची बस व्यवसायी प्रालिका पूर्व सचिव समेत रहेका बुढाथोकीले बसपार्ककाे जग्गा, कर, व्यवस्थापन लगायत समस्याकाे समाधानका लागि पहल गरिने बताए ।
कार्यक्रमका प्रमुख अतिथि नगरप्रमुख बुढाथोकी, नेपाल चिया बगान श्रमिक संघका राष्ट्रिय अध्यक्ष दीपक तामाङ, काेष अन्तरगत रहेकाे मेची युनाइटेड कम्पनीका अध्यक्ष विष्णु गाैतम लगायतले शुभकामना मन्तव्य व्यक्त गरेका थिए ।
कार्यक्रममा पूर्वी मेची बस व्यवसायी प्रालिका पूर्व अध्यक्ष श्रीप्रसाद मैनाली, यातायात व्यवसायी, मजदुर, कर्मचारी लगायतकाे उपस्थिति रहेकाे थियाे ।
नवनिर्वाचित अध्यक्ष रिजालले प्रतिबद्धता मन्तव्य व्यक्त गरेका थिए ।
माघ २८ गते संस्थाकाे ३१ औं साधारण सभाले फागुन २ गते निर्वाचन सम्पन्न गरेकाे थियाे ।
नवनिर्वाचित अध्यक्षमा रिजाल, उपाध्यक्षमा कृष्णकुमार वस्नेत, सचिवमा दुर्गा खड्का, सहसचिवमा बासुदेव कार्की, काेषाध्यक्षमा शान्त घिमिरे रहेका छन् ।
त्यस्तै सदस्यहरूमा सुमित्रा ढुंगाना, गाेरख काफ्ले, अम्बरबहादुर वस्नेत, भुपालमान कार्की, घनश्याम श्रेष्ठ र मेघराज गाैतम छन् ।
यसैगरी लेखा समिति संयाेजकमा नविनकुमार श्रेष्ठ तथा सदस्यमा नरेशकान्त सरकार र माेहनकुमार प्रसाईं रहेका छन् ।
करिव दस वर्षअघि महेन्द्र राजमार्ग रात्री कर्मचारी कल्याण काेष (मरार) ले परिचित पछिल्लो समय नाम परिवर्तन गरेर महेन्द्र राजमार्ग यातायात कर्मचारी कल्याण काेषकाे रूपमा दर्ता गरिएको थियाे ।
११८ जना सदस्य रहेकाे काेषकाे २०८२ असार सम्मकाे वित्तीय विवरण ८६ लाख २७ हजार ६२८ रूपैयाँ ८५ पैसा रहेकाे प्रतिवेदनमा उल्लेख छ ।
निर्वाचन समिति संयाेजक पूर्वी मेची बस व्यवसायी प्रालिका पूर्व अध्यक्ष माेहनप्रकाश उप्रेतीकाे अध्यक्षतामा सम्पन्न भएको थियाे ।
कार्यक्रमकाे सहजीकरण निर्वाचन समितिका सदस्य एवम् पूर्वी मेची बस व्यवसायी प्रालिका अध्यक्ष राजेन्द्र रिजाल र काेषका सचिव दुर्गा खड्काले गरेका थिए ।
Discussion about this post