मेचीनगर, २३ फागुन । झापा क्षेत्र नं.१ मा रास्वपाको चुनाव चिन्ह घण्टी लिएर उठेकी निशा डाँगी भारी मतका निर्वाचित भएकी छन् ।
शनिबार राति साढे ८ वजे सम्पन्न मत परिणाम अनुसार डाँगीले ४५ हजार ६८० मत ल्याएर विजयी भएकी छन् ।
निर्वाचन अधिकृतको कार्यालय मेचीनगरको अन्तिम मत परिणाम अनुसार ८२ हजार ५६० मत गणना हुँदा घण्टी चुनाव चिन्हको रास्वपाकी उम्मेदवार निशा डाँगीले ४५६८०, नेपाली कांग्रेसको रूख चिन्हका उम्मेदवार केशवराज पाण्डेले १०,५५०, संस्कृति पार्टीको माटो चिन्हका उम्मेदवार केवलराम राईले १०,००४, नेकपा एमालेको सूर्य चिन्हका रामचन्द्र उप्रेतीले ७,६५९ मत ल्याएका छन् ।
यस्तै राप्रपाको हलो चिन्हका उम्मेदवार प्रोफेसर हेमराज कार्कीले १,६१२, नेपाली कम्युनिस्ट पार्टीको तारा चिन्हका उम्मेदवार इन्जिनियर अशेष घिमिरेले ९२२, मंगोल नेशनल अग्रनाइजेशनको भाले चिन्हका उम्मेदवार शन्तोष तामाङले ९७१, उज्यालो नेपाल पार्टीको बलिरहेको बिजुलीको चिम चिन्हका नरेशकुमार लावतीले ४८५, नेपाल मजदुर किसान पार्टीको मादल चिन्हका हिरण्यप्रसाद भट्टराईले २३, नेपाल जनमुक्ति पार्टीको घर चिन्हका खान्द्रु करूवाले १७, संघिय लोकतान्त्रिक राष्ट्रिय मञ्चको खुकुरी तिन्हका मानबहादुर सावाँ लिम्बुले ९९ मत ल्याएका छन् ।
स्वतन्त्रको क्यामेरा चिन्हका गणेशकुमार खरेलले ३३, अर्का स्वतन्त्रको क्याप चिन्हका दुर्गाप्रसाद सावाँ लिम्बुले ८४, जनता समाजवादी पार्टी नेपालको छाता चिन्हका रमा मेचेले ४३, नेपाल सदभावना पार्टीको पञ्जा छाप चिन्हका ओलिन राजबंशीले १०९ मत ल्याएको निर्वाचन अधिकृत गोपी विश्वकर्माले जानकारी दिए ।
फागुन २१ गते सम्पन्न प्रतिनिधिसभा सदस्यको चुनावमा झापा–१ मा जम्मा खसेको ८३ हजार ८२२ मा ४२६९ बदर मत रहेको सहायक निर्वाचन अधिकृत टेकबहादुर श्रेष्ठले भनाई छ ।
Discussion about this post