झापा, १७ वैशाख । सुकुम्बासी बस्तीमा डोजर चलाउने कार्य रोक्न माग गर्दै आन्दोलन थप सशक्त बनाइने भएको छ ।
अखिल नेपाल सुकुम्बासी संघले विहीबार पत्रकार सम्मेलन गरेर चार चरणको आन्दोलन कार्यक्रमकाे सार्वजनिक गरेका हुन् ।
पहिलो चरण अन्तर्गत बैशाख २० गतेसम्म विभिन्न संघ-संगठनलाई जबरजस्ती उठिबास विरुद्ध धारणा सार्वजनिक गर्न लगाउने, सांसद तथा स्थानीय जनप्रतिनिधिलाई एसएमएसमार्फत चुनावी बाचा सम्झाउँदै डोजर रोक्न दबाब दिने कार्यक्रम तय गरिएको छ ।
दोस्रो चरणमा वैशाख २० देखि ३१ गतेसम्म पीडितहरूको समिति गठन गर्ने, विभिन्न दलका सुकुम्बासी तथा जनवर्गीय संगठनबीच समन्वय गर्ने, साथै जिल्ला प्रशासन, मालपोत र नापी कार्यालयमा ज्ञापनपत्र बुझाउने योजना रहेको छ ।
तेस्रो चरणमा वैशाख ३१ गते राष्ट्रिय स्वतन्त्र पार्टी लाई प्रधानमन्त्रीबाट बालेन्द्र शाह (बालेन)लाई हटाउन अनुरोध गर्ने तथा मेची-काली राजमार्गमा चक्काजाम गर्ने कार्यक्रम राखिएको छ ।
चौथो चरण अन्तर्गत जेठ १ गतेदेखि ७ गतेसम्म रास्वपा सांसदहरूलाई फिर्ता बोलाउन आह्वान गरिने छ ।
त्यस्तै, जेठ ७ गतेदेखि देशव्यापी आम हड्ताल गर्ने कार्यक्रम घोषणा गरिएको छ ।
Discussion about this post