मेचीनगर, ५ भदौ । हास्य कलाकार शम्भुराज थापा ‘बखते’ को निधन भएको छ ।
कोरोना सङ्क्रमणपछि ललितपुरको पाटन अस्पतालमा उपचाररत थापाको शनिबार विहान ४ बजे निधन भएको पारिवारिक स्रोतले जनाएको छ ।
सङ्क्रमण पुष्टि भएपछि १९ दिन अघि थापा अस्पताल भर्ना भएका थिए । पछिल्लो समय चर्चित सिरियल ‘हल्का रमाइलोमा’ बखते काका र ‘गोलमाल’मा खुइलीको बाको भूमिकामा देखिँदै आएका थापाले ‘भद्रगोल’, ‘मेरी बास्सै’ लगायत थुप्रै सिरियल, विज्ञापन, चलचित्रमा समेत अभिनय गरिसकेका छन् ।
उनका परिवारमा सवै कोरोना सङ्क्रमित छन् । उनकी श्रीमती, एक छोरा र एक छोरी छन् । थापाको आजै पशुपति आर्यघाटमा अन्तिम संस्कार गरिने परिवारले जनाएको छ ।
Discussion about this post