झापा, ६ भदौ । ढुवानी व्यवसायी महासंघका केन्द्रिय सदस्य, मेची ट्रान्सपोर्ट एसोशिएसनका बरिष्ठ उपाध्यक्ष तथा युवा व्यवसायी श्याम प्रसाई (एसपी)ले छोराको जन्मदिनको उपलक्ष्यमा मन्दिरलाई घण्टी अपर्ण गरेका छन् ।
प्रसाईले छोरा शंकेत प्रसाईको जन्मदिनको उपलक्ष्यमा बिर्तामोड–१० स्थित इलामेली टोल शहिद गेट नजिकै रहेको रक्तकाली माता मन्दिरलाई घण्टी प्रदान गरेका हुन् । प्रसाईले आज पर्न गएको छोराको जन्मदिनमा मन्दिरलाई ९ केजी ९ सय ग्राम पित्तलको घण्टी सहयोग गरेका हुन् ।
वर्ष दिनमा एक पटक आउने जन्मदिनमा रमाइलो गर्ने नाममा अनावश्यक रूपमा पैसा खर्च गरेर चकटेल र केक किन्ने र धूमधामसँग पार्टी नै गर्नुुपर्छ भन्ने आम मानिसको बुझाईलाई तोड्न तथा सामाजिक उत्तरदायित्व अन्तरगर्त मन्दिरलाई सहयोग गरेको प्रसाईले बताए ।
जन्मदिनका दिन अनावश्यक तडकभडकसहित गरिने खर्च कटौती गरी धार्मिक कार्यमा सहयोग गरेको भन्दै रक्तकाली मन्दिर समितिको सहयोगि तथा स्थानीय राजनीतिज्ञ पुनम चुंडालले प्रसाईको प्रशंसा गरिन ।
संक्षिप्त गरिएको घण्टी हस्तानतरण कार्यक्रममा जिल्ला ट्राफिक प्रहरी कार्यालय झापाका प्रमुख निशेष चापागांई, हल्दिबारी गाउंँपालिका वडा ४ का वडाध्यक्ष होम चुंडाल, बिर्तामोड नगरपालिका–१० का वडाध्यक्ष दुर्योधन गुरुङ, रक्तकालाी मन्दिर समितिका अध्यक्ष बिनोदकुमार भट्टराई, उपाध्यक्ष, नारायण त्रित्राल, , सचिव चुडामणी न्यौपाने, कोषाध्यक्ष शिवमाया तिवारी लगायतको उपस्थिती रहेको थियो ।
यस अघि पनि प्रसाईले इलाका प्रहरी कार्यालय कांकरभिट्टाको प्रांगणमा रहेको नव दुर्गा मन्दिरलाई २५ हजार ९ सय ९९ तथा नकलबन्दामा रहेको शसस्त्र प्रहरीको परिसरमा रहेको मन्दिरको रंगरोगन तथा मर्मत सम्भारका लागि पनि सहयोग गरेका थिए ।
Discussion about this post