हल्दिबारी, २३ कात्तिक । हल्दीवारी गाउँपालिका–२ स्थित भेलागढीमा निर्माण गरिएको गार्ईको शालिकको नेपालका प्रथम ऐतिहासिक जगत गुरु अनन्त श्री विभुषित बालसन्त मोहनशरण देवाचार्यले गरेका छन् ।
मंगलबार एक कार्यक्रमको आयोजना गरी नेपाल गौ संंरक्षण समिति भद्रपुरद्वारा निर्माण गरिएको बाछोले दुध खाँदै गरेको शालिकको अनावरण गरिएको हो ।
शालिक अनावरण गर्दै जगतगुरुले नेपालका राजनीतिक कदलहरुबाटै सनातन धर्म र संस्कृतिप्रति बेवास्ता गरिएको हुँदा सनातन धर्म संकटमा पर्ने गरेको बताए ।
उनले सनातन धर्म संरक्षाण र सम्बद्र्धनमा सम्पूर्ण हिन्दुवादी जनसमुदाय कठिबद्ध भएर लाग्नु पर्ने बताउँदै गाइको संरक्षण र सम्बर्धन गर्ने उदेश्यले विभिन्न दाताहरुको रु.११ लाख ४६ हजार बढीको लागतमा शालिक निर्माण गरिएको समितिका अध्यक्ष दुर्गाप्रसाद पाठकले जानकारी दिए ।्
मंगलवारै सम्पन्न समितिको भेलाले दुर्गाप्रसाद पाठकको अध्यक्षतामा ३ जना सदस्यहरु पछि मनोनयन गर्ने गरी १३ सदस्यीय नयाँ कार्य समिति समेत गठन गरेको छ । समितिको उपाध्यक्षमा गणेश पौडेल, सचिवमा कृष्णप्रसाद पाठक, कोषाध्यक्षमा डिल्ली दुलाललाई सर्वसम्ममत चयन गरिएको छ ।
आगामी २ बर्षे कार्याकालका लागि गठित समिति सदस्यहरुमा क्रमशः विनिता भट्टराई, कमला दाहाल पाठक, डा. टंक बाराकोटी, लालबहादुर दर्जी, कमलप्रसाद घिमिरे, पर्शुराम बजगाई रहेका छन् । पाठकको अध्यक्षतामा सम्पन्न कार्याक्रममा दाताहरुलाई सम्मान गरिएको थियो ।
कार्यक्रममा हल्दीवारी गाउँपालिका अध्यक्ष रविन्द्र लिङ्गदेन, जिल्ला प्रहरी कार्यालय झापाका प्रमुख सानुराम भट्टराई, गंगाप्रसाद श्रेष्ठ लगायतले मन्तव्य राखेको कार्यक्रमको सञ्चालन सोमनाथ पौडेलल र स्वागत समिति सदस्य डिल्ली दुलालले गरेका थिए ।
Discussion about this post