धुलाबारी, २९ कात्तिक । मेचीनगर–१० को सुबोध दाहाल स्मृति सेवा कोषले आम्दा मेची अस्पताललाई एक लाख ११ हजार रुपैयाँ सहयोग गरेको छ ।
०४६ सालमा १५ वर्षीय सुवोध दाहाल सवार बस दुर्घटना हुँदा त्रिशूली नदीमा खस्दा बेपत्ता भएका थिए ।
दाहाल प्रतिष्ठान केन्द्रिय कार्यालय अन्तर्गत सुवोध दाहाल स्मृति सेवा कोष २०७२ ले स्वास्थ्य शीर्षक अन्तर्गत रकम सहयोग गरेको हो ।
विहीबार अस्पताल परिसरमा आयोजित कार्यक्रममा दाहाल स्मृति सेवा कोषका अध्यक्ष दिवंगत सुवोधका पिता गजेन्द्रप्रसाद दाहालले बिशिष्ट अतिथि मेचीनगर नगरपालिकाका प्रमुख विमल आचार्यलाई रकम हस्तान्तरण गरेका थिए ।
कार्यक्रमका प्रमुख अतिथि आचार्यले सबैको साथ सहयोगले आम्दा मेची अस्पतालले विशेष सेवाहरु केही समयमै सञ्चालनमा ल्याउने बताए ।
दाहाल प्रतिष्ठानका सहअध्यक्ष दुर्गाप्रसाद दहालको सभापतित्वमा भएको कार्यक्रममा प्रतिष्ठानका महासचिव पुण्यप्रसाद दाहालले स्वागत र कार्यक्रम सञ्चालन केशव दाहालले गरेका थिए ।
Discussion about this post