झापा, ६ पुस । ‘द भोइस किड्स नेपाल’ को भोटिङ राउण्डमा झापाकी अनुजा कडरिया प्रवेश गरेसँगै अहिले सबैको ध्यान खिचेको छ ।
सुरिलो स्वरकी धनी बिर्तामोड–१ निवासी कडरियाले दश हजार ८ सय प्रतियोगीलाई पछि पार्दै भोटिङ राउण्डमा प्रवेश गरेसँगै उनको चर्चा एकाएक चुलिएको हो ।
द भ्वाइस किड्स नेपालको ब्याटल राउण्डबाट लाइभ राउण्डका लागि छानिएकी १९औं प्रतियोगी हुन्– अनुजा ।
उनले कोच प्रविशाको टिमबाट व्याटलमा प्रतिष्पर्धा गरेकी थिइन् । सारा महर्जन र अमिता थापालाई उनलेपछि पारेकी थिइन् ।
‘कहिले काहिँ मलाई पनि हेरिदेऊ फर्केर, सँधैभरि मदेखि नजाउन तर्केर’ बोलको गीत गाएकी थिइन् । कुन्ती मोक्तानको आवाजमा सजिएको यो गीत जो कोहिले सहजै गाउन नसक्ने संगीत क्षेत्रका अगुवाले बताउँदै आएका छन् ।
यो गीत गाएर चार जना निर्णयकलाई आफूतिर आकर्षित गरेकै कारण उनको चर्चा झापामा मात्रै चलेको छैन देशभर नै चलेको छ ।
नौ वर्षे कलिलो उमेरमा कुन्ती मोक्तानको यस्तो कठिन गीतलाई दुरुस्तै गाएकै कारण गायन क्षेत्रमा अनुजाले धमाका मच्चाएको संगीत प्रेमीहरुको विश्लेषण छ ।
Discussion about this post