मेचीनगर, २० भदौ । मेचीनगर नगरपालिका–१५ स्थित निलकोठीबाट श्रोत नखुलेको रकमसहित २ जनालाई प्रहरीले पक्राउ गरेको छ ।
आइतबार बिहान ११ बजे इलाका प्रहरी कार्यालय धुलाबारी र लागुऔषध नियन्त्रण ब्युरो काँकरभिट्टाबाट खटिएको प्रहरी टोलीले मेचीनगर नगरपालिका–१५ स्थित निलकोठी बस्ने ३० बर्षीया अप्सरा राजबंशीको घर कोठा खानतलासी गर्दा श्रोत नखुलेको दश लाख ८२ हजार ५ सय नेपाली रुपैया र डिजिटल मिनि तराजु २ थान बरामद गरेको हो ।
श्रोत नखुलेको रकम र समान बरामद भएसँगै राजबंशी र सोही घरमा रहेका स्थानीय ४३ बर्षीय मोहमद मोसाद आलम समेतलाई पक्राउ गरी थप अनुसन्धान भइरहेको इलाका प्रहरी कार्यालय धुलाबारीले जनाएको छ ।
Discussion about this post