झापा, ११ कात्तिक । भाइटीकाकै दिन झापामा सवारी दुर्घटना हुँदा एक जनाको मृत्यु भएको छ ।
भाइटीकाकै दिन बेलुका ६ बजे शिवसताक्षी नगरपालिका–९ स्थित पूर्व पश्चिम राजमार्गमा बिर्तामोड तर्फ जाँदै गरेको मे. १ ख २३२१ नम्वरको यात्रुबाहक बसले विपरित दिशाबाट आउदै गरेको प्रदेश १–०१–०१२ प ४९९६ नम्वरको मोटरसाइकललाई ठक्कर दिएको थियो ।
बसले ठक्कर दिदा घाइते भएका मोटरसाइकल चालक दमक–६ का २३ बर्षीय रोनि बोसको बिएण्डसी अस्पताल बिर्तामोडमा उपचारको क्रममा मृत्यु भएको हो ।
ठक्कर दिने बस र चालक मेचनिगर–१४ का विकास राईलाई प्रहरीले नियन्त्रणमा लिई अनुसन्धान भईरहेको जिल्ला प्रहरी कार्यालय झापाले जनाएको छ ।
Discussion about this post