भद्रपुर, ८ मंसिर । झापा–३ बाट प्रतिनिधिसभा सदस्यमा राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङदेन निर्वाचित भएका छन् ।
उनले नेपाली कांग्रेसका नेता कृष्णप्रसाद सिटौलालाई ३ हजार २७६ मतान्तरले पराजित गरेका हुन् ।
लिङदेनले ४० हजार ६६२ मत ल्याउँदा कांग्रेसका सिटौलाले ३७ हजार ३८६ मत प्राप्त गरेको मुख्य निर्वाचन अधिकृत चन्द्रमणि ज्ञवालीले जानकारी दिए ।
झापा क्षेत्र नं. ३ मा १ लाख ३१ हजार ४३२ मतदाता थिए । त्यसमध्ये ८९ हजार ६३७ मत खसेको ज्ञवालीले बताए ।
यसअघि २०७४ को चुनावमा पनि सिटौलालाई लिङदेनले पराजित गरेका थिए ।
Discussion about this post