झापा, १० मंसिर । झापाका केही सामाजिक संस्थाको संयोजन एवम् ईलामको सूर्याेदय नगरपालिका वडा नं. ७ र रोङ गांउँपालिकाको आयोजनामा सूर्याेदय स्थित अम्बोटारमा शनिबार एकदिने बृहत स्वास्थ्य शिविर सम्पन्न भएको छ ।
रोटरी क्लब अफ बिर्तामोड मिडटाउन र रोट्रयाक्ट क्लब अफ बिर्तामोडको संयोजन, बीएण्डसी अस्पताल, बिर्तामोड आँखा अस्पताल र नेपाल औधषि व्यवसायी संघको प्राविधिक सहयोगमा स्वास्थ्य शिविर गरिएको हो ।
रोङ गाउँपालिकाका अध्यक्ष मणिकुमार स्याङ्बोको प्रमुख आतिथ्य तथा सूर्याेदय नगरपालिकाका उपप्रमुख दुर्गाप्रसाद बरालको विशेष आतिथ्य भएको शिविरमा ३ सय भन्दा बढी सेवाग्राहीले सेवा लिएका थिए ।
शिविरको उद्घाटन गर्दै प्रमुख अतिथि स्याङबोले विकट दूरदराजमा आयोजना गरिएको शिविरले स्वास्थ्यको पहुँचमा पुग्न नसकेका नागरिकलाई लाभ पुग्ने बताए ।
कार्यक्रममा सूर्याेदय नगरपालिका–७ का वडाध्यक्ष एलबी राई, पूर्व अध्यक्ष लेखनाथ खड्का, रोटरी क्लब अफ बिर्तामोड मिडटाउनका अध्यक्ष सुमन शर्मा जम्मरकट्टेल लगायतले बोलेका थिए ।
कार्यक्रमका संयोजक जगत शर्मा तिवारी, रोटरी क्लब अफ बिर्तामोड मिडटाउनका बोर्ड मेम्बर गजेन्द्र पौडेल, सिजर राजभण्डारी, नेपाल औषधि व्यवसायी संघ प्रदेश १ का उपाध्यक्ष नरेन्द्र बराल, रोट्रयाक्ट क्लब अफ बिर्तामोड मिडटाउन सचिव भिष्म घिमिरे, बोर्ड मेम्बर सन्देश राउत, बिर्तामोड आँखा अस्पतालका नेत्र अधिकृत विनोद दाहाल, बीएण्डसी अस्पतालका भोगेन्द्र पराजुली लगायतको उपस्थिति रहेको थियो ।
कार्यक्रमको सञ्चालन पत्रकार केशव भट्टराईले गरेका थिए ।
Discussion about this post