धुलाबारी, २४ मंसिर । मेचीनगर लेडी जेसीज वर्ष २०२३ का लागि अध्यक्ष पदमा रस्मी थापा सर्वसम्मत चयन भएकी छन् ।
शनिबार सम्पन्न नवौँ साधारण सभाले मेचीनगर लेडी जेसीजको अध्यक्ष थापाको नेतृत्वमा नयाँ कार्यसमिति चयन गरेको हो ।
समितिको कार्यकारिणी उपाध्यक्षमा पवित्रा बिमली प्रसाई र सुष्मा राजवंशी चयन भएकी छन् ।
त्यस्तै समितिको ४ जना उपाध्यक्षहरुमा कुशुम दाहाल, शान्ती पराजुली, सकुन्तला खतिवडा, गुञ्जना आचार्य चयन भएको निर्वाचन अधिकृत निवर्तमान अध्यक्ष शुशिला खतिवडाले जानकारी दिइन् । बाँकी रहेका पदहरुमा अध्यक्षले पछि मनोनयन गर्ने जनाएको छ ।
नवनिर्वाचित अध्यक्ष थापाले मेचीनगर लेडी जेसीजलाई नयाँ उचाइमा पुर्याउने र सामाजिक कार्यक्रमहरुमा विशेष जोड दिने बताएकी छन् ।
जेसीजले मेचीनगर–१० मा निर्माणधिन भइरहेको ज्येष्ठ नागरिक आवसगृहलाई दीर्घकालीन योजनाका रूपमा अघि बढाइने बताएको छ ।
कार्यक्रममा मेचीनगर लेडी जेसीजकी संस्थापक सल्लाहकार लक्ष्मी राई, पूर्व अध्यक्षहरु टीका सुवेदी, सोभा श्रेष्ठ, सुनिता पनेरु, तुलसा दंगाल, निवर्तमान अध्यक्ष सीता गिरी पुरी लगायतले शुभकामना मन्तव्य व्यक्त गरेका थिए ।
Discussion about this post