मेचीनगर, २२ जेठ । मेचीनगरमा उपयोगी कला तथा बुद्धकला प्रदर्शन हुने भएको छ ।
मेचीनगर नगरपालिका ईटाभट्टाको आर्दश माध्यमिक विद्यालयमा यहि जेठ २५ गते सो कला प्रदर्शन हुने भएको हो ।
उपयोगी कला पनि ललितकला जस्तै महत्वपूर्ण विधा भएको हुँदा यसको सम्र्बद्ध र प्रवद्र्धन गर्ने उद्देश्यले प्रदर्शन गर्न लागेको परिकल्पनाकार तथा कला संयोजक केसाङ लामाले बताए ।
उनले बुद्धको देश नेपाल भनेर हातले लेखेको ८० मिटरको ब्यानर प्रदर्शनीका साथै १५० जना विद्यार्थीले एकैपटक ‘बुद्धको देश नेपाल’ भन्ने गीत गाउने बताए । सो गीत केसाङ आफैले लेखेका हुन् ।
लामो समयदेखि आर्टकलामा क्रियाशील उनले यसअघि ‘शान्ति’ नामक एकल नाटक समेत मेचीनगरमै प्रदर्शन गरेका थिए । उनले मेचीनगरबाट सुरु गरेको उपयोगी कला प्रदर्शन बुद्धको भूमि भनेर चिनिने लुम्बिनीमा पनि गर्ने जानकारी दिए ।
‘मेचीनगरबाट अभियान सुरु गरेका छौं, उनले भने–‘अभियानलाई लुम्बिनीसँग जोडेर विश्वभर नेपाललाई चिनाउने हाम्रो प्रयास हुनेछ ।’
Discussion about this post