दुर्गापुर, ४ साउन । पूर्वपश्चिम राजमार्ग अन्तरगत दुर्गापुर सडक खण्डमा मोटरसाइकल र म्याजिक भ्यान एक आपसमा ठोक्किदा मोटरसाइकल चालकको मृत्यु भएको छ ।
आज विहान ७ बजे दुर्गापुर सडक खण्डमा दुर्घटना हुँदा गौरादह नगरपालिका–१ का मोटरसाइकल चालक कुमार दर्जीको मृत्यु भएको जिल्ला ट्राफिक प्रहरी कार्यालय झापाले जनाएको छ ।
पश्चिमबाट पूर्वतर्फ आउँदै गरेको प्र–१–०१–००१ च ७४०७ नम्बरको म्याजिक भ्यान र विपरित दिशाबाट आउँदै गरेको प्र–१–०१–०१६ प ५०९८ नम्बरको मोटरसाइकल एक आपसमा जुध्दा मोटरसाइकल चालक दर्जी गम्भीर घाइते भएका थिए ।
उनलाई तत्काल उपचारको लागि बिर्तामोड स्थित बीएण्डसी अस्पताल पुर्याउने बित्तिकै चिकित्सकले मृत घोषना गरेको प्रहरीले जनाएको छ ।
मोटरसाइकल, म्याजिक भ्यानका चालक कनकाई नगरपालिका–४ का ३३ बर्षीय पशुपति ओलीलाई इलाका प्रहरी कार्यालय सुरुङ्गाको नियन्त्रणमा राखिएको छ ।
Discussion about this post