मेचीनगर, २६ भदौ । कोशी प्रदेशका पूर्व सांसद श्रीप्रसाद मैनालीमाथि हातपात गरेर फरार रहेका भुपाल ओलीले प्रहरीमा आत्मसमर्पण गरेका छन् ।
ओली सोमबार ११ वजे इलाका प्रहरी कार्यालय काँकरभिट्टामा आएर प्रहरी समक्ष आत्मसमर्पण गरेका हुन् ।
काँकरभिट्टाका डीएसपी दिपक भारतीले भुपाल ओली हिरासतमा रहेको बताए । उनले हिजो आएर सेलेण्डर गरेको बताए ।
करिव ३ महिनाअघि काँकरभिट्टा खानेपानीको सभाहलमा भएको एक कार्यक्रममा मेची बस व्यवसयी संघका पूर्व अध्यक्ष समेत रहेका मैनालीलाई ओलीले हातपात गरेर भागेका थिए । ओली पनि एमाले कै कार्यकर्ता हुन् ।
यातायात व्यवसायी समेत रहेका ओलीले संघले विगतमा आफ्ना लागि काउन्टर नदिएको भन्दै मैनालीमाथि हातपात गरेका थिए ।
एमालेका नेता समेत रहेका मैनाली र संघका प्रतिनिधिहरुले ओलीविरुद्ध सार्वजनिकरुपमा अभद्र व्यवहार सम्बन्धी मुद्दा दर्ता गराएका थिए ।
पूर्व सांसद मैनाली हाल केहि समयका लागि अमेरिकामा छन् । ओलीले केहिदिनअघि उनका परिवारसँग प्रहरीमा सेलेण्डर गर्छु, तपाईहरुसँग पनि माफ माग्छु भनेको नेता मैनालीका छोरा रुद्र मैनालीले बताए । मैनालीले कानुनी प्रक्रिया जे हुन्छ त्यो मान्न हामी तयार रहेको बताए ।
डीएसपी भारतीले कानुनी प्रक्रिया अनुसार अनुसन्धान गरिने बताए ।
नेकपा एमाले मेचीनगर अध्यक्ष राजु पोखरेलले यस विषयमा इप्रकामा अहिले छलफल चलिरहेको बताए ।
Discussion about this post